«Qashyqtan oqý baǵdarlamasyn óz ýaqytynda ıgerip, balalardy sapaly bilimmen qamtamasyz etýde mektep ustazdary osynaý jaýapkershilikti túsine otyryp, zamanaýı tehnologııalardyń kómegimen tyń materıaldardy ıgerdi deýge negiz bar. Osy tusta qashyqtyqtan oqytýdyń artyqshylyqtaryna toqtala otyryp, ınteraktıvti árekettesý formalary; sapaly bilim alý; ýaqytty únemdeý; terrıtorııalyq shekteýler joq, ıaǵnı qaı platformada da oqýǵa múmkindik beretin zaman talabyna saı aqparattyq-kommýnıkasııalyq tehnologııalar men quraldaryn ıgerýdiń sapaly bilimdi jetildirýdegi artyqshylyqtary mol ekendigine kóz jetkize túsemiz, degen pikirimen bólisken №178 lıseı aǵa tálimgeri Móldir Ýmbetalıeva «Elimizde tótenshe jaǵdaıǵa baılanysty №178 lıseıindegi qashyqtyqtan bilim alýdyń ózindik erekshelikterine toqtalǵan M.Ýmbetalıeva oqýshylar kez kelgen tapsyrmany oryndap, qashyqtyqtan oqýdyń qyr-syryn meńgerýde. Lıseı muǵalimderi oqýshylarǵa beınesabaqtardan: Zoom, Microsoft Teams, DarynOnline, bilimalmaty, bilimland, kundelik.kz sııaqty neshe túrli platformalarda sabaqtaryn túsindirip, keri baılanys jasap otyr» dep atap ótti.
Sonymen qatar, lıseı dırektory K.H.Shadıevtiń mektepishilik jınalys, ata-analar jınalysynda kerekti maǵulmattarmen tanystyryp, barlyq suraqtarǵa jaýap berip, motıvasııa berip otyrǵandyǵy ustazdar úshin kóptegen qıyndyqtardy qysqa merzimde eńserýge múmkindik berdi. Al balalarynyń tezirek mektebine oralýyn tilegen ata-analardyń lıseı basshylyǵyna, ustazdarǵa aıtar alǵysy sheksiz. «Biz birgemiz» aksııasynda №178 lıseı ujymy belsendi qatysyp, turmysy tómen otbasylaryna, erekshe muqtaj jandarǵa, kóp balaly az qamtylǵan otbasylaryna áleýmettik kómek retinde azyq-túlikpen, planshet, ınternet júıesimen qamtamasyz etti. Osy oraıda «Bilekti birdi, bilimdi myńdy jyǵady» degendeı ujymnyń alar asý bıik» dep atap ótti M.Ýmbetalıeva.
ALMATY
