Úkimet • 14 Mamyr, 2020

Asqar Mamın «Báıterek» holdıngi Dırektorlar keńesiniń otyrysyn ótkizdi

10 retkórsetildi

Premer-Mınıstr Asqar Mamınniń tóraǵalyǵymen ótken «Báıterek» ulttyq basqarýshy holdıngi» AQ Dırektorlar keńesiniń otyrysynda Holdıngtiń 2019 jylǵa aýdıttelgen qarjylyq eseptiligi aldyn-ala bekitildi. Bul týraly Premer-Mınıstrdiń baspasóz qyzmeti habarlady.

Holdıngtiń kompanııalar tobynyń aktıvteri 2019 jyldyń qorytyndysy boıynsha 5 trln 214 mlrd teńgeni qurap, 10,5%-ǵa ósti (2018 jyly – 4 trln 719 mlrd teńge), al shoǵyrlandyrylǵan taza paıda 48,4%-ǵa ósip, 51,5 mlrd teńgeni qurady (2018 jyly – 34,7 mlrd teńge).

Otyrysqa qatysýshylar «Báıterek» holdınginiń 2016-2020 jyldarǵa respýblıkalyq bıýdjetten jáne QR Ulttyq qorynan bólingen qarjy resýrstaryn paıdalanýy týraly aqparatpen tanysty. Qarajat josparǵa sáıkes ıgerilýde. Sonymen, bıylǵy 1 sáýirdegi jaǵdaı boıynsha atalǵan kezeńde bólingen 957,9 mlrd teńge esebinen, qaıtarylǵan qarajatty qaıta ıgerýdi eskere otyryp, ekonomıka 1 trln 164,9 mlrd teńge kóleminde qarjylandyryldy.

Dırektorlar keńesi Holdıngtiń 2019 jylǵa arnalǵan korporatıvtik basqarý kodeksiniń qaǵıdalary men erejeleriniń saqtalýy týraly esepti bekitti. Qujatta korporatıvtik basqarý qaǵıdattarynyń saqtalýyn baqylaý nátıjeleri jáne onyń erejelerin oryndaý boıynsha qabyldanǵan is-sharalar týraly egjeı-tegjeıli aqparat berilgen.

Sonymen qatar otyrysta Holdıngtiń 2020 jylǵy I toqsandaǵy táýekelder boıynsha esebi jáne sol kezeńdegi Ishki aýdıt qyzmetiniń esebi bekitildi. 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar