Qoǵam • 14 Mamyr, 2020

Elordada qoǵamdyq kólikterdiń jumysy qaıta jandana bastady

27 retkórsetildi

Búgin Nur-Sultanda jelige 530 avtobýs shyqty. Bul týraly qala ákimdiginiń resmı saıty habarlady.

Buǵan deıin 12 mamyrdan bastap saǵat 07:00-den 21:00 aralyǵynda qaladaǵy qoǵamdyq kólik jumysyn qaıta bastaǵan bolatyn. Alǵashqy kúni qoǵamdyq kólikti 146 907 jolaýshy paıdalandy, onyń 2 787 oqýshy, 36 884 áleýmettik jeńildikke ıe azamattar. 13 mamyrda jolaýshylar legi 205 295 kórsetti, onyń ishinde 48 418 jeńildikke ıe adamdar bolsa, 3 686 oqýshy bar. Karantın engizilgenge deıin jolaýshylar legi kúnine 762 myń adamdy quraǵan bolatyn.

«Búgin jelide barlyq qalalyq baǵdarlar júrip jatyr. Qala aýmaǵyna qatynaıtyn baǵdarlar ekinshi kezeńde júretin bolady, ol týraly qosymsha habarlaımyz», - dedi City Transportation Systems (CTS) kompanııasynyń basqarma tóraǵasy Bekmyrza Igenberdınov.

Qoǵamdyq kólikter jumysyn bastaǵan alǵashqy kúni jelige 450 avtobýs shyqty. Al 13 mamyrda – 490, 14 mamyrda – 530 avtobýs.  Karantınge deıin jelidegi avtobýstardyń sany 872 quraǵan bolatyn.

«Barlyq avtobýstar burynǵydaı dezınfeksııalanady. Avtobýs júrgizýshileri qaýipsizdik sharalaryn saqtaıdy: maska men qolǵap kıip, antıseptık paıdalanady. Sondaı-aq sanıtarlyq normalardy jolaýshylar da saqtaýy tıis. Qazir júrgizýshilerge qoıylyp otyrǵan talap – avtobýsta jolaýshylar júktemesi 50%-dan aspaýy kerek. Basqa ýaqytta avtobýstarǵa túsetin ortasha júkteme 15% quraıdy, al jumysqa baratyn jáne qaıtatyn sátte, ıaǵnı qarbalas kezinde bul talaptar oryndala bermeıdi», - dedi Igenberdınov.

Budan bólek, qoǵamdyq kólikte jol aqysyn qolma-qol aqshasyz tóleý kerek. Ol úshin kólik kartasyn nemese basqa da balama ádisterin:  SMS, QR-kod jáne mobıldi qosymshany paıdalanýǵa bolady. Aıta keteıik, karantınge deıin avtobýstardaǵy qolma-qol aqshasyz tólem 98% qurady.

«Karantın kezinde alynǵan aılyq jolaqy bıleti avtomatty túrde paıdalanýshylardyń kólik kartasyna aýystyryldy. Jolaqy  12 mamyrdan 11 maýsymǵa deıin jaramdy», - dedi basqarma tóraǵasy.

Eske sala keteıik, bıyl 28 naýryzdan bastap qosymsha tarıftik jospar iske qosyldy. 18 jasqa tolǵan balalar kólik kartasy bolsa qalanyń qoǵamdyq kólikterinde tegin qatynaı alady.

Sońǵy jańalyqtar

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Ádilettilik jolymen

Pikir • Búgin, 07:46

Mańyzdy sheshim

Pikir • Búgin, 07:43

Táýelsizdik – eń qymbat qundylyq

Saıasat • Búgin, 07:37

Olqylyqtardyń ornyn toltyrýǵa serpin beredi

Rýhanııat • Búgin, 07:25

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar