Aımaqtar • 14 Mamyr, 2020

Almaty ákiminiń orynbasary ÚEU ókilderimen keńes ótkizdi

17 retkórsetildi

Almaty qalasy ákiminiń orynbasary Erjan Babaqumarov onlaın-baılanys rejiminde qalalyq úkimettik emes uıymdardyń (ÚEU) ókilderimen kezdesý ótkizdi. Kezdesýge qalalyq qoǵamdyq damý, áleýmettik ál-aýqat, qoǵamdyq densaýlyq, bilim, sport, mádenıet basqarmalarynyń basshylary da qatysty.

«Memleket basshysy óz Joldaýynda atap ótkendeı, belsendi azamattyq qoǵamdy qalyptastyrý úshin úkimettik emes uıymdardyń róli mańyzdy. Bizdiń bul májilisimizdiń maqsaty – qazirgi sheshimin kútken máselelerdi talqylaý, buǵan deıin qol jetkizgen jetistikterimiz qaısy, al karantınge baılanysty qaı tusta tejelip qaldyq, qaı máseleni jedel sheshýimiz qajet, solardy anyqtaý jáne jyl sońyna deıingi birlesken josparymyzdy naqtylaý», – dep atap ótti E.Babaqumarov.

Ol sondaı-aq, ÚEU ókilderine búgingi pandemııa jaǵdaıynda halyqty qoldaý turǵysynda atqaryp jatqan jumystary úshin alǵysyn bildirdi.

Kezdesý barysynda halyqtyń áleýmettik osal toptaryna qoldaý kórsetý tetikteri, rýhanı damytý turǵysyndaǵy máselelerdi nyǵaıtý, sondaı-aq bilim berý jáne densaýlyq saqtaý júıeleri týraly sóz boldy.

Búginde Almatyda 4 myńnan astam ÚEU (respýblıka boıynsha jalpy sanynyń 20%-y) tirkelgen.

Almaty qalasy Qoǵamdyq damý basqarmasynyń basshysy Dıas Esdáýletov aǵymdaǵy jyly ÚEU-men birlesip jastar saıasaty, qoǵamdyq kelisim jáne jalpyulttyq birlik, áleýmettik ál-aýqat, jasyl ekonomıka jáne t.b. salalarda 65 áleýmettik jobany iske asyrý josparlanǵanyn baıandady. ÚEU-men birlesken jobalar negizinen jastardyń bastamalaryna qoldaý kórsetýge, tarıhı otanyna oralǵan qandas baýyrlarmen jumys isteýge, túzetý mekemelerinen oralǵan adamdardy ómirge qaıta beıimdeýge, áıelder kóshbasshylyǵy mektepterin damytýǵa jáne otbasylyq qundylyqtardy nasıhattaýǵa baǵyttalǵan.

Almaty qalasy Áleýmettik ál-aýqat basqarmasy basshysynyń orynbasary Lázzat Jetibaeva da ÚEU-men yntymaqtastyq týraly biraz máseleni baıandady. Onyń sózinshe, úkimettik emes uıymdarmen múmkindigi shekteýli jandarǵa áleýmettik qoldaý kórsetý boıynsha kelisim-sharttar jasalǵan. Mundaı jobalar arasynda «Invataksı», jeke áleýmettik kómekshiniń jáne ymdaý tili qyzmetteri bar. Bul baǵyttaǵy jumystar nátıjeli jalǵasýda.

О́z kezeginde sóz alǵan ÚEU ókilderi quqyq qorǵaý, medıa salalaryndaǵy jańa jobalar boıynsha, qosymsha qajettiligi bar tulǵalardy qoldaý, sondaı-aq, týberkýlez, qant dıabeti, juqtyrylǵan ımmýn tapshylyǵy sındromy aýrýlarynyń aldyn alý, áıelder men balalardy qorǵaý jáne t.b. áleýmettik taqyryptar turǵysyndaǵy usynystaryn aıtty.

Kezdesý barysynda Almaty qalasy Qoǵamdyq keńesiniń múshesi, «Aqparattyq-resýrstyq ortalyǵy» QQ-nyń dırektory Altynaı Kóbeeva, «Revansh áleýmettik kómek qory» ortalyǵynyń jetekshisi Elena Bılokon, «AITV-men ómir súretin adamdardyń qazaqstandyq odaǵy» ZTB-nyń advokasııa jónindegi mamany Oksana Ibragımova, «Ravnyı-Ravnomý plıýs» qoǵamdyq birlestiginiń atqarýshy dırektory Lıýdmıla Polıakova, «Múgedek balalardyń ata-analary qaýymdastyǵy» JShS tóraıymy Ásııa Ahtanova, «Aman-saýlyq» qoǵamdyq qorynyń prezıdenti Baqyt Túmenova, ICAP ortalyǵynyń Ortalyq Azııa boıynsha óńirlik dırektory Anna Derıabına, «Reliance» qoǵamdyq qorynyń negizin salýshy Sáýle Alpysova, Týberkýlez máseleleri jónindegi Ulttyq ortalyq janyndaǵy AITV, JITS, týberkýlez jáne bezgekke qarsy kúres týraly jahandyq qor jobasynyń dırektory Shahımýrat Ismaılov jáne t.b. óz oılaryn ortaǵa saldy. Jalpy, bul onlaın-kezdesýge 40 ÚEU-nyń ókilderi qatysty.

Kezdesýdi túıindegen Almaty qalasy ákiminiń orynbasary Erjan Babaqumarov bul júzdesýdiń mańyzdylyǵyn atap ótip, aıtylǵan usynystardy zerdeleý jáne pysyqtaý jóninde birqatar naqty tapsyrmalar berdi. Qalalyq basqarmalarǵa barlyq ÚEU-men ózara is-qımyldy kúsheıtý jáne jekelegen baǵyttar boıynsha salalyq kezdesýler ótkizý júkteldi.

 

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar