Aımaqtar • 14 Mamyr, 2020

Tólebı aýdany: Sý shaıǵan kópirler bir táýlikte qalpyna keltirildi

14 retkórsetildi

Tótenshe jaǵdaı jarııalanǵan Tólebı aýylyndaǵy Qasqasý eldi mekeninde ornalasqan 2 kópirdi tolyq sý shaıyp ketken, 1 kópirge zaqym kelgen. Jergilikti mańyzy bar taǵy bir kópirdi sý shaıǵan. 4 kópirdi tolyq retke keltirý jumystary tynymsyz júrgizilýde. Nátıjesinde, eki ótkel tolyq retke keltirilip, aýyldardyń baılanysy ashyldy. Jolaýshylar kóligi jáne avtomobıl joldary basqarmasynyń basshysy Rolan Ibragımovtiń málimdeýinshe, qaıta qalpyna keltirý jumystary qysqa merzimde júzege asady. Bul týraly Túrkistan oblysy ákiminiń baspasóz qyzmeti habarlady.

«Ortasha jóndeý jumystary tynymsyz júrgizilip jatyr. Qasqasý eldimekenindegi shaıylǵan qubyrlardy qalpyna keltirý maqsatynda tıisti tehnıkalar jumyldyrylyp,materıaldar jetkizildi. 4 kópirdiń ekeýi bir kúnde qalpyna keltirildi. Taǵy biri rettelip, jaıaý júrginshiler úshin ashyldy. Erteńge deıin aıaktap, kólik júrý úshin ashamyz. Sońǵysyna qatysty jumystar qarjy máselesiniń sheshilýin talap etedi. Sondaı-aq bul jumysqa 20 tehnıka jáne 21 jumysshy jumyldyryldy», – dedi oblystyq jolaýshylar kóligi jáne avtomobıl joldary basqarmasynyń basshysy Rolan Ibragımov.

Sonymen qatar Tólebı aýdanynyń Qasqasý, Kenesaryq, Qosaǵash, Ekpindi, Birkólik, Kıelitas, Dostyq jáne Leńgir qalasynyń aýmaǵynda ornalasqan eldi mekenderinde jańbyr sýy jınalǵany anyqtaldy. Jolaýshylar kóligi jáne avtomobıl joldary basqarmasynyń málimetinshe, atalǵan eldi mekenderden ótetin aýdandyq mańyzy bar joldar men aýyl kóshelerinen bólek, birqatar oblystyq mańyzy bar joldarǵa da zaqym kelýde.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar