Álem • 14 Mamyr, 2020

Qazaqstan men Mońǵolııa Úkimetaralyq komıssııanyń 8-shi otyrysyna daıyndyq talqylandy

34 retkórsetildi

Vıse-mınıstr K.Tórebaev birlesken Úkimetaralyq komıssııasynyń Saýda-ekonomıkalyq, ǵylymı-tehnıkalyq jáne mádenı yntymaqtastyq jóninde 8-inshi keńeske daıyndyq barysyn talqylaý úshin beınekonferensııa rejıminde Mońǵolııa Eńbek jáne áleýmettik qorǵaý mınıstrliginiń ókilderimen kelissózder júrgizdi, Saýda jáne ıntegrasııa mınıstri B.T. Sultanov pen Mońǵolııa Eńbek jáne áleýmettik qorǵaý mınıstri S. Chınzorıg onyń teń tóraǵalary bolyp tabylady. Bul týraly mınıstrliktiń baspasóz qyzmeti habarlady.

Onlaın-kelissózderge Monǵolııanyń salalyq memlekettik organdary men eki eldiń Tótenshe jáne О́kiletti elshileri qatysty.

Kelissózder barysynda taraptar Úkimetaralyq komıssııaǵa daıyndyq boıynsha atqarylǵan jumys pen aǵymdaǵy jaǵdaı týraly aqparatpen almasty.

Taraptar ÚAK 8-shi otyrysyna daıyndyq boıynsha ótkiziletin barlyq is-sharalardyń Mońǵolııa Premer-Mınıstri Ý. Hýrelsýhtyń 2019 jylǵy 10-12 qazanda Nur-Sultan qalasyna resmı sapary sheńberinde qabyldanǵan, Qazaqstan men Mońǵolııa Premer-Mınıstrleriniń qol jetkizgen ýaǵdalastyqtardy oryndaý úshin júzege asyrylatynyn atap ótti.

Sonymen qatar, Vıse-mınıstr K. Tórebaevpen kezdesý barysynda eki temir jol tarmaǵy (Tavan-Tolgoı-Zýýnbaıan jáne Tavan – Tolgoı-Gashýýnsýhaıt) qurylysy júzege asyrylatyn Tavan – Tolgoı iri taskómir ken ornyn ıgerý jobasy sheńberinde «Lokomotıv qurastyrý zaýyty» AQ-nyń 40 magıstraldyq «TE33AS» jáne qarjy-saqtandyrý quraldaryn qoldana otyryp, «TEM11A» manevrlik teplovozdaryn jetkizý boıynsha yntymaqtastyqty iske asyrý usynyldy.

Qazaqstandyq tarap IQM ımportyna qyzyǵýshylyq tanytyp, taıaý ýaqytta Mońǵolııanyń azyq-túlik, aýyl sharýashylyǵy jáne jeńil ónerkásip mınıstrligine resmı usynystar jiberetinin habarlady.

Kezdesý sońynda taraptar mońǵol tarapynyń 2021-2024 jyldarǵa arnalǵan saýda-ekonomıkalyq yntymaqtastyqty jandandyrý jónindegi 8-shi otyrystyń kún tártibiniń, hattamasy men jol kartasynyń jobalaryna usynystar berýi týraly, sondaı-aq qazaqstandyq taraptyń lokomotıvterdi jetkizý jónindegi usynystaryn qaraý týraly ýaǵdalasty.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar