Qoǵam • 15 Mamyr, 2020

Astana Hub aımaqtyq tehnoparkterdi damytady

15 retkórsetildi

IT salasynyń bıznes jasaý joldaryn úıretýdi mindetine alǵan Astana Hub óńirdegi kásipkerlerge jańa múmkindikter syılamaq. Endi klassıkalyq bıznes aldynda tehnologııalyq kásipkerliktiń artyqshylyǵyn aımaqtaǵy kásipkerler de paıdalanady. IT-qoǵamdastyq óńirlerdiń ınfraqurylymy men salalaryn sıfrlandyrýǵa daıyn. Osyǵan oraı árbir óńirdi damytý boıynsha jeke yntymaqtastyq jospary ázirlendi.

Sýretti túsirgen Erlan Omar, EQ

Astana Hub eki jyldan beri kásip­kerler men memleket arasyndaǵy baılanysty nyǵaıtyp keledi. Búginde ol elimizdegi ınnovasııa men IT salasyn damytýǵa baǵyttalǵan bıznesmender mektebine aınaldy. Tehnopark jumys alańymen qamtamasyz etip, taratýshy qyzmetin de atqarady. Qazirgi tańda tehnopark startaptarynyń 30 paıyzy sheteldik kásipkerlerge tıesili. Bul aldymen otandyq ekonomıkaǵa óte tıimdi. О́ıtkeni olardyń jobalary memleketke salyq tólep, elimizde jumys ornynyń kóbeıýine úles qosady. Odan bólek álemdegi Nokia, Huawei syndy úlken korporasııalar ókildikterin ashyp, jas kásipkerlerge baǵyt-baǵdar berip te keledi. Endi mine, aımaqtyq áriptestikti damytý baǵdarlamasyn iske qosylyp otyr.

Budan bylaı oblystardaǵy tehnoparkter, akseleratorlar, ınkýbatorlar, kovorkıngtik uıymdarǵa jan-jaqty qoldaý jasalatyn bolady. Salanyń jańa jobalary oqý-ádistemelik quraldarmen qamtylyp, kásibı maman keńesin alady. Buǵan qosa, baǵdarlama qatysýshylary túrli salyqtyq jáne vızalyq jeńildikter ıelenbek.

– Bizge tirkelip, kelisimge turǵan qaty­sý­shylarǵa qosymsha qun salyǵy, jeke tabys salyǵy da salynbaıdy. Osy syndy birqatar salyqtyq jeńildikter beriledi. Shetelden jumys kúshin tartý boıynsha arnaıy vızalyq tártip te qarastyrylǵan. О́tinish berý onlaın júzege asyrylady. Bári ashyq. Iаǵnı IT- kompanııalar óz óńirlerinen tegin ótinish tapsyra alady. Keńes músheleri ótinimderdi qashyqtan qarap irikteıdi. Keıin biz kelisim men sertıfıkat jiberemiz. Sodan soń kompanııa memlekettik organdarǵa salyqtyq jeńildikterge qatysty ótinim jibere alady, – deıdi Astana Hub IT-startaptar halyqaralyq tehnoparkiniń atqarýshy dırektory Ádilet Nurǵojın.

Aıta keteıik, byltyr Astana Hub sarapshylar komandasy tehnopark qyzmetimen tanystyrý úshin, sondaı-aq el arasynda tehnologııalyq kásipkerlik mádenıetin ilgeriletý úshin óńirlerdi ara­laǵan bolatyn. Startup Sapary baǵdar­lama­sy arqyly startap-jobalardy damytý boıynsha bilim alǵysy keletin jáne óz ıdeıalaryn barynsha qysqa mer­zimde iske asyrýǵa beıim bastaýshy kásip­ker­lerdiń jolyn ashqan edi. Sonyń zań­dy jalǵasy retinde Astana Hub el aýma­ǵyndaǵy tehnoparkterdiń áleýetin art­tyrýǵa múdeli. IT-mamandar tyń óner­ta­bys­taryn iske asyratyn jańa múm­kin­dik­ter­ge ıe bolady. Salaǵa qatysty sońǵy ja­ńa­lyq­tardan da qulaǵdar etilip turady.

– 2019 jyly Astana Hub aımaqtardaǵy barlyq iri tehnoparkterdi aralap, IT mamandarmen kezdesti. Olardyń kóbinde áli júzege aspaǵan tyń oılar bar. Biz ınvestısııa tartý boıynsha birqatar jetistikterge jettik. «Bıznes perishte­ler» klýby quryldy. Sondaı-aq kópte­gen halyqaralyq venchýrlik qor, klýb jáne kompanııalarmen áriptestik ornat­tyq. Qanatqaqty jobalardy venchýr­lik ınvestorlarǵa usynatyn bolamyz, – dedi Á.Nurǵojın.

Mamandar jańa bastama Qazaqstannyń ınnovasııalyq ekojúıesin jaqsartýǵa tyń serpin beretinine senimdi. Bul tek iri shaharlardy ǵana emes, jalpy bar­lyq aımaqtardy biriktiretin elimizdiń biryń­ǵaı IT-qaýymdastyǵyna aınalýy tıis.

Astana Hub basshylyǵynyń aıtýynsha, aldaǵy ýaqytta naqty jospary qurylǵan startaptar mekeni elimizdegi ár salanyń IT júıesin damytatyn, halyq ómirin jaq­sartýǵa baǵyttalǵan jobalardyń ordasyna aınalmaq.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar