Aımaqtar • 15 Mamyr, 2020

Jaqsylyq jasaýdan jarysqa túskendeı

26 retkórsetildi

Qaıyrymdylyq – qazaqtyń qanyna siń­gen, janyndaǵy jabyrqaý kóńildi jan jylýy­nyń shýaǵymen nurlandyratyn ádemi qasıet. Sandyqtaý aýdanynda qaıyrymdy ister aksııasynyń barysyndaǵy el azamattarynyń peıilin, nıeti men yqylasyn kórip zamandastarymyzdyń boıynda osyndaı qasıetterdiń bekemdigine shynymen qýanasyń.

Balkashın aýylyndaǵy dú­ken, dámhana ıeleri, jekelegen kásipkerler bir jeńnen qol, bir jaǵadan bas shyǵaryp, zeınetkerlerge, áleýmettik jaǵynan az qamtylǵan jáne kóp balaly otbasylaryna kóp-kórim kómek kór­setti. Tipti, ál-aýqaty bar azamattar bir-birimen jarysqa túskendeı. Qarap tursań, jaq­sylyq jasaýdan jarysý – tiliń jetkenshe tamsana aıta júretin tamasha jarys. Kópultty eldi mekendegi aýyl sharýashylyǵy qurylymdarynyń jetekshileri de qońtorǵaı sátte irgesin alys salyp qarap qalǵan joq. Osy óńirdegi túgin tartsa maı shyǵatyn qunarly jerdiń ıgi­ligin kórip otyrǵan soń aýyl­dastarynyń das­tarqanyna adal dám buıyrtýdy óz paryzdary sa­naǵan olar qap-qap undy, jáshik-jáshik azyq-túlikti úıip tastady. Sózimizdi naqty derekpen shegeleý úshin Kamenka selolyq okrýgindegi «Kamenka jáne D» jaýapkershiligi shekteýli seriktestiginiń dırektory A.Djeıranov júz otbasyna bir-bir qap unnan aparyp bergendigin aıtsaq ta jetkilikti. «Ýnı» seriktestiginiń dırektory M.Mýstafaev Bogoslavka aýy­lyn­daǵy 17 otbasyn qam­qor­lyǵyna alyp, bir-bir qap un jet­kizip berdi. Oǵan qosa osy seriktestik Bal­kashın aýyldyq okrý­gindegi 50 otbasyǵa un tarat­sa, okrýgtegi dú­kender men dám­hanalardyń ıe­leri dámge to­ly azyq-túlik sebet­terin jet­kiz­di. Osy arada bir-birimen qa­­nat­­­tasa jerlesterin qam­qor­­­lyqqa alǵan M.Gýseınov, V.Dynko, M.Ábýev, E.Sezbekov, I.Sezbekov, S.Djeıranov tárizdi sharýashylyq basshylarynyń esimderin qurmetpen ataı ketýge bolady.

Balkashınniń beldi jigitteri muqtaj jandardy azyq-túlikpen qamtamasyz etip qana qoımaı, aýdandaǵy irgeli isterge uıytqy bolýda. Qazaqtyń «birlik bar jerde tirlik bar» deıtini osyndaı janashyrlyq lebi esip turatyn is-qımyldan kórinedi. Birligi bekem bolǵan soń bul ólkedegi keı sharýa el jaıyn oılaǵan aza­mat­tardyń ymyralasqan qol­ǵabysymen-aq sheshilip jatyr. Aı­talyq, kásipker, aýdandyq más­lıhattyń depýtaty A.Belýha Sandyqtaý aýyldyq okrýgindegi mádenıet úıiniń shatyryn ja­ńar­typ berýge qarajat bóldi. Veseloe selolyq okrýgindegi «Baı­daly» seriktestiginiń dırektory B.Orazalın aýyldastaryna azyq-túlikpen kómektesýmen qatar kóktemgi sý tasqynynyń aldyn alýǵa da bir adamdaı eńbegin si­ńirdi. Bıyl bul ólkede qar qa­lyń tústi. Seriktestik basshysy zeınetkerler men jalǵyzilikti adamdardyń aýlalaryn qardan tazalaýǵa, kóktemgi qyzyl sýdyń arnasyn burýǵa atsalysty.

Saralap qarasańyz, eldi oı­laǵan sharýadan birde-bir kásip­ker syrt qalmaǵan eken. Árıne, óz erikterimen, óz peıilderimen. Osynyń ózi-aq qýantady. «US-AGRO» seriktestiginiń dırektory Ýálıhan Áripov Baraqkól aýyldyq okrýgindegi 41 otbasyna azyq-túlik jetkizse, J.Mus­qanov, Sh.Doqaev, E.Ýsen­ko táriz­di Lesnoı selolyq okrýgi­niń sharýashylyq basshylary da óz mańyndaǵy el-jurtty qam­qorlyqtaryna alǵan.

Atam qazaqta, «kórshi haqysy táńir aqysy» deıtuǵyn astaryna atan túıege júk bolar mazmun uıalatqan ataly sóz bar. Tótenshe jaǵdaı kezinde jurt birligi arta tústi. Sandyqtaýlyq Elena jáne Vıktor Karpovtar orta mekteptiń oqýshylaryna kompıýter satyp áperdi.

Áp etken bette betperdeniń de tapshy bolǵandyǵyn eldiń bári biledi. Mine, osy sátte boıynda kúsh-qýaty bar aǵa býyn ókilderi de qarap qalǵan joq. Jastar qa­ıy­rymdylyq jasap jatqanda jaıbaraqat otyrǵanymyz uıat bolar degendeı, Balkashın aýyly­nyń zeınetkerleri Roza Jýba­sova, Baıan Ahmetova, Lıýd­mıla Kos­týlına, Zınaıda Tota­kaevalar úsh júzden astam betperde tigip, jer­lesterine tegin taratty. Osy mysal­dardan-aq el ishindegi birlik­tiń bekem ekendigine kóz jetkizýge bolady. Al birlik bar jerde tir­lik­tiń bar ekendigi álmı­saqtan bel­gili.

 

Aqmola oblysy,

Sandyqtaý aýdany

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar