Aımaqtar • 15 Mamyr, 2020

Orta Azııadaǵy eń iri jel elektr stansııasy Arshalyda salynyp jatyr

64 retkórsetildi

Arshaly aýdanynyń Qostomar eldi mekeninde Orta Azııadaǵy eń iri jel elektr stansııasynyń qurylysy jalǵasýda. Jańa nysan 10 000 otbasyn energııamen qamtıdy dep kútilýde.

Búgingi tańda tabıǵatqa qamqorlyq kórsetý mádenıetin qalyptastyrýǵa jáne balamaly energııa kózderin keńinen qoldanýǵa basymdyq berilýde. Bul baǵyttaǵy jobalardy júzege asyrýda Qazaqstannyń damý banki qarjylyq operator retinde qoldaý kórsetip keledi. Atalmysh qarjy ınstıtýtynyń nesıelendirýimen  «Green Energy» kompanııasy on jarym jylǵa uzaq merzimdi nesıe alyp, jel elektr stansııasy qural-jabdyqtaryn jetkizip, qurylys jumystaryn júrgizýde. Mundaı nysandar jel qýatyn elektr energııasyna aınaldyryp, qorshaǵan ortaǵa eshbir nuqsan keltirmeıdi. Nysannyń qoldanysqa engizilýi atmosferadaǵy zııandy gazdardyń kólemin jylyna 230 myń tonnaǵa azaıtýǵa múmkindik beredi.

–Qazirgi tańda ekinshi keshende qurylys-montajdaý jumystary júrgizilýde. Munda árqaısysynyń qýaty 3,3 Mv, qýattylyq rejımi 3,45 Mv bolatyn «Vestos» kompanııasynyń 15 jel elektr stansııasy boı túzeıdi. Qazir 10 kılovolttyq stansııa salyndy. Budan bólek, qoıma, garaj, dıspetcherlik basqarý pýlti bar ákimshilik-sharýashylyq keshen tárizdi nysandar qurylysy da aıaqtaldy. Jel týrbınalaryn óndirýshi «Vestos» kompanııasy osy saladaǵy álemdik kóshbasshy. Nysan qurylysyna sheteldik jáne otandyq mamandar jumyldyrylǵan. О́ndirilgen elektrenergııasy «KEGOC» aksıonerlik qoǵamynyń elektr jelileri arqyly barsha respýblıka aýmaǵyna taralady,–deıdi «Satek  green energy» seriktestiginiń bas ınjeneri Vladıslav Garbovskıı. 

Tótenshe jaǵdaı rejımi jobanyń júzege asyrylý merzimine keri yqpal etip otyr. Nysan josparly ýaqyttan 6 aı merzimge keshigip iske qosylýy múmkin. Nysannyń iske qosylýy Qazaqstannyń atmosferaǵa ýly gazdardyń bólinýin azaıtý jónindegi halyqaralyq qaýymdastyq aldyndaǵy mindettemesin oryndaýyna sebepker bolmaq. Jel elektr satansııasy tolyq qýatyna kóshken soń jylyna memleket qazynasyna 2 mlrd teńge salyq tóleıdi.

–Biz bas merdiger retinde 19 shaqyrym jol qurylysyn júrgizdik. Qural-jabdyqty saqtaý qoımalary, jumys alańdary ázirlendi. Jel týrbınalaryna arnalǵan 15 taǵan tartyldy. Olardyń árqaısysynda 75 tonna armatýra men 550 joǵary sapaly beton sheńberi bar. Bul jumystyń barlyǵy jeldi, dalaly aımaqta atqaryldy,–deıdi «Sredazenergostroı» kompanııasynyń bas ınjeneri Ivan Dıomın.

Ekologııalyq tıimdiligimen qatar, jel stansııasynyń qurylysy 300 jumys ornyn usynyp otyr. Nysan qoldanysqa engizilgen soń munda 19 maman qyzmet atqarady. Jospar boıynsha 2-shi keshen 4-shi toqsanda qoldanysqa engiziledi dep kútilýde. Aıta ketelik, qýaty 50 Mv-ty quraıtyn nysannyń birinshi kesheni ótken jyldyń 26 tamyzynda qoldanysqa engizilgen bolatyn. 

 

Aqmola oblysy

Sońǵy jańalyqtar

Keleshegin kóre biletin el

Pikir • Búgin, 07:30

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

«Qazarhıv» basqarmasy qajet

Rýhanııat • Búgin, 06:52

Qazaqtyń qadirli edi qarııasy

Rýhanııat • Búgin, 06:50

Syrdaǵy eginniń sýsyz qalý qaýpi bar

Ekologııa • Búgin, 06:48

Eriktiler balalardy quttyqtady

Aımaqtar • Keshe

Uqsas jańalyqtar