Aımaqtar • 15 Mamyr, 2020

Shymkentte sý deńgeıi tómendedi

29 retkórsetildi

Bul týraly Tótenshe jaǵdaılar komıteti habarlady.

Jańbyrdyń mol jaýýy jáne Túrkistan oblysynyń Tóle bı aýdanynan aryq kanaldary arqyly kelgen sýdyń saldarynan Shymkent boıynsha barlyǵy 38 turǵyn úı men sharýashylyq qurylystary bar 63 aýla ýchaskesin sý basty, 11 sharýashylyq qurylys (samannan jasalǵan) jáne bir ýaqytsha turǵyn úı qurylysy qırady. Zardap shekkender men qurban bolǵandar joq. Qutqarýshylar evakýasııalaý pýnktterine barlyǵy 331 adamdy evakýasııalady, pýnktterge ornalasqannan keıin barlyq turǵyndar týystarynyń úılerine oraldy.

Máselen, Eńbekshi aýdanynyń Eltaı aýylynda 38 turǵyn úı men 60 aýla aýmaǵyn sý basty. Onyń saldarynan 11 sharýashylyq qurylys jáne bir ýaqytsha turǵyn úı qurylysy buzyldy. Qutqarýshylar, jergilikti atqarýshy organdary men QR Ulttyq ulannyń kúshteri joǵaryda atalǵan ýchaskelerde sýdy burý jáne soryp shyǵarý jumystaryn júrgizdi. Jalpy 7 myńnan astam tekshe metr sý soryldy. Aryqtardy tazalaý jáne tereńdetý boıynsha jumystar júrgizilýde. Sý basý aımaǵynan 300 adam qaýipsiz jerge kóshirildi.

Eńbekshi aýdanynyń Otkorm aýylynda tireýish-aýyspaly qurylysta Badam ózeniniń sol jaq jaǵasyn sý basty, sonyń saldarynan eki turǵyn úıdiń qulaý qaýpi týyndady. Qutqarýshylar kúshteri 31 adam evakýasııalady. Badam ózeniniń jaǵalaýyn bekitý arqyly sý basý qaýpi seıildi.

Eńbekshi aýdanynyń Abdýlabad aýylynda sharýashylyq qurylystary bar 3 aýlany sý basty. Qutqarýshylar men jergilikti atqarýshy organdardyń qyzmetkerleri osy aýlalardan 600-den astam tekshe metr sýdy soryp shyǵardy.

Avarııalyq-qutqarý jumystaryna barlyǵy jeke quramnan 168 adam, 19 birlik tehnıka men 21 motopompa, jergilikti atqarýshy organdardan 74 qyzmetker men 55 birlik tehnıka, QR Ulttyq ulanynan 100 áskerı qyzmetshi men 4 birlik tehnıka jumyldyryldy.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar