Aımaqtar • 15 Mamyr, 2020

Qostanaı oblysy: Aldaǵy dúısenbiden bastap karantın talaptary jeńildeıdi

127 retkórsetildi

Búgin oblys ákimi Arhımed Muhambetovtiń tóraǵalyǵymen indettiń taralýyna jol bermeý jónindegi jedel shtab otyrysy ótti.

Oblys ákimi aımaqta koronavırýstyń taralýyna jol bermeý boıynsha barlyq sharalar qabyldanyp jatqanyn atap ótti.

Qostanaı oblysynda 15 mamyr saǵat 10.00-degi jaǵdaı boıynsha COVID-19 juqtyrǵan 72 adam tirkelip, 36 adam saýyǵyp shyqqan. Qaterli indetten 1 adam kóz jumdy.

Jedel shtab elimizdiń Bas sanıtarlyq dárigeriniń usynystary men qalyptasqan epıdemıologııalyq ahýaldy eskere otyryp, aımaqta  birqatar jeńildikterdi engizý týraly sheshim qabyldady. Sonymen, turǵyndar 18 mamyrdan bastap úıinen kóshege erkin shyǵa alady. Biraq 2 jáne odan kóp adam birge júrgen jaǵdaıda betperde taǵý kerek bolady. Sonymen qatar,  saıabaqtarǵa, ózen jaǵalaýlaryna serýendeýge bolady. Alaıda birneshe adam birge júrgen jaǵdaıda qaýipsiz ara qashyqtyq saqtalý kerek.

Jedel shtab otyrysynda, sondaı-aq,  saýda oryndary men basqa da mekemelerdiń jumys isteý tártibi bylaısha naqtylandy:

  1. Aýdany 2 myń sh/metrden aspaıtyn saýda oryndary men azyq-túlik jáne ózge de taýarlardy satatyn bazarlar saǵat 10:00-den 17:00-ge deıin jumys isteıdi;
  2. Sulýlyq salondarynyń klıentteri qyzmet kórsetý ǵımaratyna betperdemen kirýi tıis jáne aldyn ala tirkelýi kerek;
  3. Baspahana, tigin sehtary, aıaq kıim jóndeý oryndary sııaqty halyqqa qyzmet kórsetý nysandarynyń jumysy jandanady;
  4. Monshalar men saýnalar jumys isteıdi. Biraq basseınge túsýge bolmaıdy jáne adam sany 20-dan aspaýy shart;
  5. Mektepke deıingi tárbıe berý uıymdarynda kezekshi toptar jumys isteıdi;
  6. Ashyq aýada sporttyq jattyǵýlar jasaýǵa bolady;
  7. Qoǵamdyq kólikter qala ishinde saǵat 7.00-den 20.00-ge deıin, al saıajaılarǵa baratyn avtobýstar saǵat 7.00-den 21.00-ge deıin júredi.
  8. sanıtarlyq talaptar eskerile otyryp, memlekettik organdardyń (uıymdardyń), keńselerdiń qyzmetine ruqsat etiledi.

Alaıda bul jeńildikterdiń Jitiqara aýdanyna qatysy joq. Jitiqarada karantın rejimi 25 mamyrǵa deıin saqtalady.

 

Qostanaı oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar