Úkimet • 15 Mamyr, 2020

Asqar Mamın Shyǵys Qazaqstan oblysyna is-saparmen bardy

55 retkórsetildi

Premer-Mınıstr Asqar Mamın jumys sapary aıasynda Shyǵys Qazaqstan oblysynyń  kóktemgi egis jumystary men energetıka, ónerkásip, turǵyn úı jáne áleýmettik ınfraqurylym salalaryndaǵy iri jobalardy iske asyrý barysyn tekserdi. Bul týraly Premer-Mınıstrdiń baspasóz qyzmeti habarlady.

Altaı aýdanynda Úkimet basshysy «Nıvy Altaıa» JShS-niń egis alqaptarynyń qurylymymen jáne kóktemgi dala jumystarynyń barysymen, Turǵysyn SES qurylysymen, sondaı-aq Altaı qalasynyń aýdanaralyq aýrýhanasynyń ınsýlttik jáne kardıo ortalyqtarynyń qyzmetimen tanysty.

О́skemen qalasynda Premer-Mınıstr QR-nyń iri mashına jasaý jáne metallýrgııa kásiporyndaryna — О́skemen ónerkásiptik armatýra zaýyty men О́skemen tıtan-magnıı kombınatyna baryp, olardy odan ári damytý josparlarymen tanysty.

Úkimet basshysy О́skemen qalasynyń jańa shaǵyn aýdanyndaǵy «Nurly jer» memlekettik baǵdarlamasy aıasynda salynyp jatqan áleýmettik turǵyn úı qurylysyn tekserdi. Munda jalpy aýdany 400 myń sharshy metrge jýyq 48 úı salý josparlanǵan.

D. Serikbaev atyndaǵy Shyǵys Qazaqstan memlekettik-tehnıkalyq ýnıversıtetine barǵan kezde Úkimet basshysyna ǵylymı-zertteý jáne tájirıbelik-konstrýktorlyq, onyń ishinde ımportty almastyrýǵa baǵyttalǵan ázirlemeler usynyldy.

A. Mamın oblystyq balalar aýrýhanasyna baryp, onda reanımasııalyq jáne operasııalyq bloktardyń jumysymen, sonymen qatar COVID-19-dan emdeý úshin ımmýndyq plazma bólý jónindegi ǵylymı jobamen tanysty.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar