Zertteý nátıjeleri boıynsha alǵashqy birinshi oryndy L.N.Gýmılev atyndaǵy Eýrazııa ulttyq ýnıversıteti ıelendi. S.Seıfýllın atyndaǵy Qazaq agrotehnıkalyq ýnıversıteti – ekinshi, Qaraǵandy memlekettik tehnıkalyq ýnıversıteti úshinshi orynda.
Reıtıngke qatysý úshin respýblıka boıynsha 89 JOO ótinim berip, 1939 bilim berý baǵdarlamasy tirkelgen. Agenttik atap ótkendeı, reıtıng nátıjesi tómendegi krıterııler boıynsha baǵalandy:
bilim berý sapasynyń halyqaralyq kórsetkishi retinde ınstıtýsıonaldy jáne baǵdarlamalyq akkredıtteý;
adamı resýrstardyń damý deńgeıi;
joǵary bilimdi ınternasıonaldandyrý;
ǵylymı zertteýlerdiń damý deńgeıi;
jumyspen qamtý jáne eńbek naryǵyndaǵy túlekterge suranys.
Bıylǵy reıtınginiń eń basty ereksheligi, Bilim jáne ǵylym mınıstrliginiń joǵary jáne joǵary oqý ornynan keıingi bilimi bar kadrlardy daıarlaýdyń biliktilik talaptaryna sáıkes bilim berý baǵdarlamalaryn toptar boıynsha saralaý bolyp tabylady.
