Qoǵam • 15 Mamyr, 2020

Otbasy qarym-qatynasy taqyrybynda onlaın semınar ótti

8 retkórsetildi

«Otbasy qundylyqtaryn nyǵaıtý jáne genderlik mádenıetti qalyptastyrý» jobasy aıasynda «Otbasy qarym-qatynasyn nyǵaıtý» taqyrybynda onlaın semınar ótti. Bul týraly elorda ákimdiginiń resmı saıty habarlady.

«Rýhanı qoǵam álemi» qoǵamdyq qory halyqaralyq otbasy kúnine oraı otbasy qarym-qatynasy men bala tárbıesindegi tulǵanyń jaǵymdy qasıetterin damytýǵa baǵyttalǵan semınar uıymdastyrdy. Semınar Instagram áleýmettik jelisinde psıholog, art-terapevt, Qazaqstan psıhologtar lıgasynyń múshesi Lımana Qoıshıevanyń paraqshasynda tikeleı efırde kórsetildi.

«Ár otbasy – memlekettiń kishkentaı bólshegi. Onyń bastaýy, negizgi qozǵalys kúshi ákede bolsa, otbasyn saqtaý, damytý kilti – anada. Al qozǵaýshy kúsh, tek otbasynyń ǵana emes tektiń jalǵasy – bala. Otbasyndaǵy qarym-qatynastyń qaı deńgeıde, qandaı bolatyny osy úsh taǵanǵa baılanysty. Ár adamnyń tabıǵı jaratylystan ajyramaı tulǵalyq damýy, balany tárbıeleý, úlkendermen qarym-qatynas, zamandas, dostarmen qarym-qatynasty qalaı durys ornatý kerek», – dep atap ótti Lımana Qoıshıeva.

Semınardy pedagog, psıholıngvıst, mádenıettaný kafedrasynyń doktoranty Mıra Qoıshybaeva júrgizdi. Mıra Qoıshybaeva otbasy qundylyǵy men onyń mańyzy, negizgi fýnksııasy týraly jáne otbasyn saqtaý men damytý taqyryptarynda oı qozǵady.

Sondaı-aq ata-ana men bala qarym-qatynasy, tulǵanyń qalyptasýy máselelerinde aqyl-keńes berdi.

«Otbasynyń berik bolýy shynaıy qundylyqtardyń saqtalýyna baılanysty. Eń birinshi otbasyna mahabbat, súıispenshilik, qurmet qajet. Erli-zaıyptylar birin-biri túsinip, shydamdylyq pen meıirimdilik, adaldyq tanytyp, úılesimde ómir súrýi tıis. Sol kezde shańyraqtaǵy tatýlyq, súıispenshilik saqtalady», – deıdi Mıra Qoıshybaeva.

Semınar qatysýshylary ózin-ózi damytý, otbasynda durys qarym-qatynas qurý, balamen baılanysty saqtaýǵa arnalǵan túrli psıhologııalyq ádistermen tanysty.

Aıta keteıik, semınardyń basty maqsaty – adamgershilik pen tazalyqqa umtylý jolyndaǵy ár azamattyń boryshyn naqtylaý.


Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar