Aımaqtar • 15 Mamyr, 2020

Oralda dańqty ushqysh Hıýaz Dospanovanyń týǵan kúni atalyp ótti

65 retkórsetildi

Oral qalasynda Halyq Qaharmany, dańqty ushqysh Hıýaz Dospanovanyń týǵan kúnine oraı birneshe shara ótti.

Saltanatty shara Keńes Odaǵynyń batyrlary Mánshúk Mámetova, Álııa Moldaǵulova jáne Halyq Qaharmany Hıýaz Dospanovaǵa arnalǵan «Qazaqtyń batyr arýlary» músindik kompozısııasyna gúl shoǵyn qoıýmen bastaldy.

- Kúni keshe ǵana Uly Otan soǵysynda bizdiń atalarymyz ben ákelerimiz alyp bergen Uly jeńistiń 75 jyldyǵyn atap ótip edik. Endi, mine, búgin qazaqtyń úsh batyr qyzyna arnalǵan eskertkish basyna taǵy jınalyp otyrmyz. Bizdiń Oral qalasynda Hıýaz apanyń júrgen izi saırap jatyr. Turǵan úıi, oqyǵan mektebi bar. Apamyzdyń atyna kóshe ataýyn berip jatyrmyz. Dańqty ushqysh Uly Otan soǵysyna Jánibek jerinen attandy. 300-den asa áýe joryǵyna qatysyp, erliktiń óshpes úlgisin kórsetti. Bul bozdaqtarǵa, batyr apalarymyzǵa qansha qurmet qylsaq ta artyq bolmaıdy. Bul batyr apalarymyzdyń esimin Táýelsiz Qazaqstan jastary esqashan umytpaýy kerek. Búgin ult maqtanyshy Hıýaz Dospanovanyń týǵan kúninde biz Uly Otan soǵysynda erlik kórsetken, qan tókken, jan bergen barsha maıdangerge taǵzym etemiz! Osy batyrlardyń dańqyna saı bolamyz! – dedi saltanatty sharada sóz alǵan Batys Qazaqstan oblysy ákiminiń orynbasary Serik Egizbaev.

Osy sharaǵa egde tartqan jasyna, eńkeıgen basyna qaramastan Uly Otan Soǵysynyń ardagerleri Hamza Safın, Ivan Gapıch, Venıamın Skalenko arnaıy kelgen eken. 95 jastaǵy Hamza Ábdirahmanuly aqsaqal áserli estelik aıtty.

- Osy Hıýaz órimdeı 17 jasynda Oraldyń aeroklýbynda oqyp, 18 jasynda úzdik bitirip shyǵyp edi. Soǵys bastalǵanda qaıta-qaıta suranyp, maıdanǵa óz erkimen attandy. Odan arǵy erligin bárińiz bilesiz. Bizdiń osy úsh qyzymyzdaı batyr qyzdar álemde joq! Osy jerde turǵan soǵys ardagerleri úshin Mánshúk, Álııa jáne Hıýaz – bizdiń zamandasymyz. Sonda da bolsa biz olardy maqtanysh etemiz. Dana halqymyzda mynadaı sóz bar: Júregińdi – halyqqa ber, janyńdy – Qudaıǵa ber, al namysty eshkimge berme! – deıdi. Bul batyrlar dál osylaı istedi. Aınalaıyn, keıingi urpaq, elimizdiń bolashaǵy, jastarym, sizderden de osyny suraımyn, - dedi Hamza aqsaqal tolqyp turyp.

Úsh batyr qyz eskertkish-kompozısııasyna gúl shoǵy qoıylǵan soń jıylǵan jurt osy mańdaǵy shaǵyn kóshege bet aldy. Buryn Almazov esimin ıelengen bul kóshege jaqynda ǵana Batys Qazaqstan oblysy ákimdigi men oblystyq maslıhattyń birlesken qaýlysy jáne sheshimimen Halyq Qaharmany Hıýaz Dospanovanyń esimi berilgen bolatyn. Batyr ushqyshqa bul kósheniń tańdalýy tegin emes. О́ıtkeni Keńes Odaǵynyń batyry Mánshúk Mámetova men Álııa Moldaǵulova kósheleri de osy jerde tuspa-tus, jarysa ornalasqan. Mine, úsh batyr qyzdyń eskertkishi birge, kósheleri qatar kelip, ádemi órnek qurap otyr.

9

Kósheniń jańa ataýy jazylǵan taqtaıshany Uly Otan soǵysynyń ardagerleri Ivan Gapıch pen Venıamın Skalenko, eńbek ardageri Jaısań Aqbaı qurmetpen ashty. Dál osy tusta ushqysh qyzdyń sýreti beınelengen úlken baner ornatylǵan. Al kóshe qıylysynda ornalasqan ǵımarat mańdaıyndaǵy elektrondy tabloda Hıýaz Dospanovanyń ómiri men erlik joly týraly aqparat aınalyp jatty.

Budan keıin Hıýaz Dospanova bilim alǵan Oral qalalyq №1 orta mektebiniń kóne ǵımaratynyń qabyrǵasyna ornatylǵan eskertkish taqtanyń ashylý saltanaty boldy. Dańqty ushqyshtyń bederli beınesi shekilgen taqtada «Bul mektepte 1939-1940 jyldary Qazaqstan Respýblıkasynyń Halyq qaharmany, qazaqtyń batyr qyzy, ushqysh Hıýaz Dospanova oqydy» dep jazylǵan.

9

9

- Oral qalasy – qanshama eleýli oqıǵalar ótken, tarıhy baı qala. Ultymyzdyń qanshama tarıhı tulǵalarynyń taǵdyry osy shaharmen baılanysty boldy. Jergilikti tarıhshylardyń, ólketanýshylardyń usynysymen oblys ortalyǵynyń tarıhı kelbetin qalpyna keltirý, sonyń ishinde ult azattyǵy jolynda eńbek etken tulǵalarymyzdyń esimin halyq jadynda saqtaý baǵytynda júıeli jumys júrip jatyr. Tarıhı ǵımarattarǵa ornatylatyn eskertkish taqtalar – sonyń bir kórinisi,- deıdi Oral qalasy ákiminiń orynbasary Baqytjan Narymbetov.

 

Batys Qazaqstan

Sońǵy jańalyqtar

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar