Aımaqtar • 15 Mamyr, 2020

SQO: ​Damý qalypty jaǵdaıda

12 retkórsetildi

Jýyrda Soltústik Qazaqstan oblysy ákimdiginiń otyrysy bolyp, onda 2020 jyldyń alǵashqy toqsanyndaǵy óńirdiń áleýmettik-ekonomıkalyq damý qorytyndylary qaraldy. Jaǵdaıdyń qıyn, zamannyń aýyr ekenine qaramaı ekonomıkanyń barlyq salalarynda ósim bar ekendigi atalyp ótildi.

Aýylsharýashylyǵynda jumyrtqa óndirýde problema bolǵanymen et pen sút ónimderin shyǵarýda ilgerileýshilikter bar. Ásirese, taýarly-sút fermalarynyń jumysy óziniń tıimdiligin kórsetýde. Byltyr olardyń tórteýi iske qosylǵan bolsa bıyl taǵy 10-yn óndiriske engizý josparlanýda. Qazir olardyń úsheýine 801 mln teńge qarajat bólingen. «Osy jyldyń qorytyndysy boıynsha biz aýylsharýashylyǵy ónimderin óndirýdiń 4 paıyzdyq ósimine qol jetkizýimiz kerek. Men muny osy iske qatysy bar barlyq basshylardan talap etemin», dedi oblys ákimi Qumar Aqsaqalov.

О́nerkásip ónimderiniń alǵashqy toqsandaǵy ósimi 7,2 paıyz bolyp, respýblıkalyq ortasha kórsetkishten joǵary bolypty. Qalanyń ónerkásip gıganttary arasynda ZIKSTO zaýydynyń ónim bere bastaǵany bul iske óziniń oń yqpalyn tıgizgen. «Bul kásiporyn 1,5 jyl boıy toqtap qalǵan edi. Biz onyń qaıta jandanýyna 1,8 mlrd. teńge ınvestısııa tarta aldyq. Qazir zaýyt óziniń burynǵy jumysshylaryna jumys taýyp berýmen qatar jańadan 100 jumys ornyn ashpaqshy», dedi Q.Aqsaqalov. Sonymen birge ol PZTM sııaqty baıyrǵy kásiporyndardyń qazirgi zaman talabyna saı bola almaı otyrǵanyn da synap ótti. Zaýyt basshylyǵy tek memlekettik tapsyrysty ǵana tosyp otyrady, azamattyq taýarlar óndirýge qulshynys tanytpaıdy, dedi ákim.  

О́ńir basshysynyń syny ádiletti ekeni kórinip tur. О́ıtkeni, bul zaýyt byltyr vagon shyǵarý boıynsha óte úlken tapsyrys alǵan edi. Biraq sony ýaqytynda oryndaı almady.  Alaıda zaýyt basshysy Azamat Jýaspaevtyń aıtýyna qaraǵanda tapsyrystyń oryndalmaý sebebi qajetti buıymdardyń ýaqtyly túspeýinen eken.

Oblys ákimi aty jaman indettiń óńirdegi ahýaly týraly da aıtyp, qazir onyń turaqtanǵanyna nazar aýdardy. Mamyrdyń 18-nen bastap polıseılik narıadtar júrmeıtini, tek kópshilik oryndarda adamnyń ystyǵyn tekserý ǵana jalǵasatyny belgili boldy. Sonymen birge jazdyq demalys oryndary da qalypty jumys isteýge kóship, demalýshylardy erkin qarsy alady eken.

Soltústik Qazaqstan oblysy

Sońǵy jańalyqtar

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Sport • Búgin, 08:04

Uqsas jańalyqtar