Aımaqtar • 16 Mamyr, 2020

Túrkistan: Eriktiler maqtaaraldyqtarǵa 50 tonna áleýmettik kómekti jetkizdi

17 retkórsetildi

Maqtaaral aýdanynda oryn alǵan tótenshe jaǵdaıǵa baılanysty qurylǵan «Birgemiz, Maqtaaral!» volonterlar shtaby quramynda bastapqy kúnderi, toǵandar men dambylar jasaýǵa jumyldyrylǵan adamdarmen qosa eseptegende 500-ge jýyq volonterlar qyzmet etse, búgingi tańda turaqty túrde jumys isteıtin 100-ge jýyq erikti bar.

Onyń ishinde 25 erikti ortalyq qoımadaǵy jumystarǵa jumyldyrylsa, 15-ke jýyǵy shtab qoımasynda, 20-dan astam erikti úlestirý-tasymaldaý jumystaryna  tartylǵan. Sonymen qatar barlyq evakýasııalyq ortalyqtarda, túrli baǵyttar boıynsha eriktiler qyzmet kórsetedi. Túrkistan oblysy ákimdigi jáne «Nur Otan» partııasynyń qoldaýymen, qurylǵan eriktiler shtabyna  Jastar resýrstyq ortalyǵy dırektory Amalbek О́mirtaı jetekshilik etedi.

Qazirgi tańda elimizdiń barlyq aımaǵynan  gýmanıtarlyq kómek kerýenderi Maqtaaral aýdanyna tolassyz kelip jatyr. Jalpy, aýdanǵ kelgen gýmanıtarlyq kómektiń kólemi 600 myń tonnadan astam. Qoımalarda jınaqtalǵan azyq-túlik, turmystyq zattar, gýmanıtarlyq materıaldyq kómekterdi túsirý-tıeý, sondaı-aq evakýasııalyq pýnkterge shoǵyrlanǵan  turǵyndarǵa barynsha yńǵaıly jaǵdaı jasaý – volonterlardyń basty mindetine jatady.

On kún ishinde «Birgemiz, Maqtaaral!» volonterlar shtaby 1100-den astam turǵynǵa, 150 otbasyǵa 50 tonnaǵa jýyq azyq-túlik, qajetti kıim-keshek, qural-saıman, turmystyq, jeke gıgıenalyq zattarmen jan-jaqty áleýmettik kómek kórsetti.

1

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Nurbank 20 mlrd teńgege kapıtaldandyryldy

Ekonomıka • Búgin, 15:29

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar