Atyraý oblystyq polısııa departamentiniń qyzmetkerleri 12 mamyrdan beri «Qaýipsiz qala» jedel-aldyn alý is-sharasyn ótkizip jatyr. Is-sharanyń maqsaty –qoǵamdyq oryndardaǵy, kóshelerdegi qylmystar men quqyqbuzýshylardy, zańsyz kelýshilerdi anyqtaý.
–Polısııa qyzmetkerleri alǵashqy kúni Balyqshy shaǵynaýdanynda, Damby aýyly men Kókarna saıajaıy mańynda tekserýler júrgizip, 60-tan astam sheteldikti anyqtady. Taıaý shetelderden kelgenderdiń Qazaqstanda bolý merzimi ótip ketken. Alaıda, elimizde 16 naýryzda Tótenshe jaǵdaı engizilgendikten, olar jaýapkershilikten bosatylady. Polısııa qyzmetkerleri sheteldikterge túsindirý jumysyn júrgizdi. Endi sheteldikter 18 mamyrdan bastap Halyqqa qyzmet kórsetý ortalyǵyna baryp, elimizde bolý merzimin uzarta alady, -dep habarlady departamenttiń baspasóz qyzmeti.
Is-shara kezinde ózbekstandyq 2 azamatta jeke basyn kýálandyratyn tólqujaty bolmaǵany anyqtaldy. Endi olar jeke basy anyqtalǵansha, Atyraý qalalyq polısııa basqarmasynyń qabyldap-taratý ornyna ornalastyryldy.
«Qaýipsiz qala» is-sharasy 21 mamyrǵa deıin jalǵasady.
