Bul taǵy 34,2 myń adamdy jumyspen qamtýǵa múmkindik beredi. Bul rette, qalada karantındik sharalar áli de jalǵasýda.
Týroperatorlardyń, uıaly baılanystyń abonenttik bólimsheleriniń jáne qarjy sektory kompanııalarynyń jumysy kelesi algorıtmdi oryndaý shartymen ǵana múmkin bolady: 1 - Almaty qalasynyń Bas memlekettik sanıtarlyq dárigeriniń qaýlysynyń erejelerimen tanysý; 2 - Mindetti áleýmettik qashyqtyq, jumys oryndaryndaǵy qatań sanıtarlyq rejım jáne t. b. erejeler talaptaryna sáıkes nysandy daıyndaý.
Daıyndyq jumystary sátti aıaqtalǵannan keıin infoalmaty.kz saıtynda tirkelip, nysannyń erejelerdiń talaptaryna sáıkes daıyndalǵanyn rastaý jáne elektrondy sıfrlyq qoltańbamen habarlamaǵa qol qoıý arqyly kásiporynda jazylǵan normalardyń saqtalýyna kepildik beredi.
Tikeleı jumys ornynda qajet bolatyn qyzmetkerler sanyn osy uıymdardyń jetekshileri derbes anyqtaıdy.
Esterińizge sala ketsek, buǵan deıin Almaty qalasynda aýdıt ótken jaǵdaıda jeke turǵan sulýlyq salondary men bilim berý ortalyqtary, ónerkásip jáne qurylys salasyndaǵy obektiler, jobalaý uıymdary, sondaı-aq kelesi qyzmet túrlerin júzege asyratyn kásiporyndar qyzmetinen shekteýler alynyp tastalǵan bolatyn: úıge jetkizý qyzmeti, TJO, shınomontaj, kólik jýý jáne avtosalondar, uıymdastyrý tehnıkasyn jóndeý jáne jarnama agenttikteri.
Sanıtarlyq-epıdemıologııalyq talaptardy ooyndap jáne aýdıt tekserisinen ótpeı jumysty Kólik jáne qoımalaý, Aqparat jáne baılanys, qarjy qyzmetteri (50% - EDB, mıkroqarjy uıymdary, saqtandyrý kompanııalary, brokerler, lombardtar, aıyrbastaý pýnktteri), bızneske arnalǵan kásibı qyzmetter, sondaı-aq keıbir qyzmet túrleri: fotosalondar men gúl pavılondary, shashtarazdar, jyljymaıtyn múlikpen jasalatyn operasııalar jónindegi kompanııalar, baspa qyzmeti, aıaq kıim jóndeý jáne hımııalyq tazalaý, kir jýý, 500 sh.m. deıin azyq-túliktik emes dúkender (SO, SOK jáne t. b.).
Sondaı-aq, 25 mamyrdan bastap Almaty qalasynda qonaq úı keshenderin, qoǵamdyq tamaqtandyrý obektilerin, SO, SOK jáne t.b. kezeń-kezeńmen ashý máselesi qarastyrylýda. Bul qaladaǵy epıdemıologııalyq jaǵdaıǵa baılanysty múmkin bolady.
Atalǵan nysandardy iske qosý algorıtmi boıynsha aqparat qosymsha usynylatyn bolady.
