Monıtorıngtik toptyń quramynda Agenttiktiń Túrkistan oblysy boıynsha departamenti basshysynyń birinshi orynbasary Mıras Qarǵabaı men oblystyq memlekettik kirister departamentiniń ókilderi men atalǵan keden beketteriniń basshylary, "Túrkistan - adaldyq alańy" jobalyq keńsesiniń menedjerleri, sondaı-aq BAQ ókilderi boldy. «Qazyǵurt» keden beketinde baqylaý-ótkizý pýnktinde monıtorıngtik top álemdi alańdatqan indettiń shekara arqyly enýine jol bermeý maqsatynda qolǵa alynyp jatqan qatań sharalarmen tanysty. Keden beketiniń basshysy Berik Mergenbaevtyń baıandaýynsha, shekaralyq ótkizý pýnktterinde dezınfeksııalyq jumystar 2 saǵat saıyn júrgiziledi jáne osy ýaqytta ótkizý pýnktteri jabylyp, aımaq turǵyndary men qonaqtarynyń qaýipsizdigi úshin júıeli jumystar atqarylady.
Al «Jibek joly» keden beketinde beket basshysy Úsipbaı Nuraly kórshi elden kelýshiler úshin qolaıly jaǵdaılar jasalǵanyn, jeńil jáne aýyr júk kólikteri men avtobýs qatynastarynyń da sheshimi tabylǵanyn jetkizdi. Sondaı-aq, koronavırýs indetimen kúresý úshin keden beketiniń ótkizý pýnktterinde teplovızorlyq beınekameralar men qol ólsheýishteri bar ınfraqyzyl kameralar ornatylǵan.
Respýblıkalyq keńse jetekshisi keden beketterinde júrip jatqan búgingi jumystardy oń baǵalap, jolaýshylarǵa qolaıly orta qalyptastyrý jumystaryn jalǵastyrýǵa tilektestik bildirdi.
Túrkistan oblysy
