Tergeý barysynda Taraz garnızonynyń 10-nan artyq áskerı qyzmetshileriniń aýrýǵa shaldyǵýyna ákep soqtyrǵan buzýshylyqtar anyqtaldy. Atap aıtqanda, bólimniń basshylyǵy men medısınalyq qyzmet tarapynan aldyn-alý sharalary tolyqqandy uıymdastyrylmaǵandyqtan jáne baqylaýdyń joqtyǵynan bolǵan.
Qorǵanys mınıstrliginiń basshylyǵymen jaýapty laýazymdy tulǵalarǵa qatysty qatań sharalar qabyldandy. Áskerı bólim jáne medısınalyq qyzmet qolbasshylyǵy, sondaı-aq «Ońtústik» óńirlik qolbasshylyǵynyń bólimshelerin tyldyq qamtamasyz etýmen aınalysatyn birqatar ofıserler tártiptik jaýapkershilikke tartyldy.
Áskerı basshylyqpen Qarýly Kúshterdiń áskerı bólimderi men mekemelerinde koronavırýstyń taralýyna jol bermeý jóninde qosymsha sharalar qabyldaýdy, aldaǵy ýaqytta osyndaı jaǵdaılarǵa jol bermeý úshin olardyń saqtalýyna qatań baqylaýdy qamtamasyz etý tapsyryldy.
