Telekommýnıkasııa salasyndaǵy josparlar men ózgerister týraly elimizdiń basty ınternet provaıderine birqatar saýal qoıǵan bolatynbyz.
– Qazir kóbimiz «pandemııa bar problemany ashyp berdi» degendi kóp aıtamyz. Bir jaǵynan durys. Degenmen biz bul qıyndyqtardy bildik, pandemııanyń tóbesi kórinbeı turyp-aq «Qazaqtelekom» ýaqyttyń túrli synaǵyna daıyndala bastady. Sonyń arqasynda syn saǵatta súrinbedik dep aıta alamyn. Sóz joq, telekommýnıkasııa salasynda aıtarlyqtaı ózgerister bolady. Qazirdiń ózinde adamdardyń qarym-qatynasy, aqparat almasýy, oqýy ne jumys isteýi, saýda jasaýy sekildi kúndelikti tirshiliginiń jańa modeli qalyptasa bastady. Munyń bárin onlaın jasaýǵa bolatynyn kórdi. Úırendi. Endi tirshiliktiń bul jańa qalpy, karantın bitse de, bir sátte joǵalyp ketpesi anyq.
Kóbi balasyn qashyqtan oqyta bergendi qup kóreri sózsiz. Kásipker de keńse jaldamaı-aq, barsha qyzmetkerin úıge jiberip te, sol jumys nátıjesin alatynyn kórdi. Endi mundaı bıznes ókilderi kásibin onlaın alańqaıda júrgizýdiń tıimdi tásilderin izdeı bastaýy ábden múmkin, – dedi Q.Esekeev
Onyń aıtýynsha, «Qazaqtelekom» mundaı alańqaıdy pandemııanyń aty túgili, zaty joq kezde oılastyryp, júzege asyryp qoıǵan. Mysaly, Ismet.kz platformasy bıznes úshin bar sharýany onlaın atqarýǵa múmkindik beredi. Munda tirkelgen kásipkerler ózgelerdiń qyzmetin satyp alyp, óziniń taýaryn ne qyzmetin onlaın saýdalaı alady.
– Árıne bul alańdy iske qosarda biz onyń dál osylaı qajet bolaryn tipti sezgen de joqpyz. Biz aradaǵy qujat aınalymdy qysqartyp, ony tıisti jerge jetkizýge keter shyǵyndy joıyp, ýaqytty únemdeý úshin jasaǵan edik. Sol kezdiń ózinde jylyna 60 mln teńgeni únemdedik. Al búginde Ismet.kz biz úshin seriktester men zańdy tulǵalarmen qarym-qatynasty toqtatpaýdyń jalǵyz ǵana amaly bolyp qaldy.
Qazirgi tańda bul alańqaıda 14500 kásipker onlaın qyzmet kóredi. Tótenshe jaǵdaı ýaqytynda 2500-den asa adam tirkelgen. Bir ǵana sáýir aıynda bul portaldyń qyzmetin 120 795 adam kórgen, – dedi «Qazaqtelekom». AQ basqarma tóraǵasy.
Qýanyshbek Esekeev atap ótkendeı, kompanııa budan bólek jumys barysynda abonentke qolaıly bolý úshin jáne jyldam, sapaly qyzmet kórsetý úshin dıstansıondy baılanys arnalaryn iske qosty. Barsha qyzmet kórsetý bólimshelerimájbúrli túrde jumysyn toqtatqanda, bul onlaın arnalar kompanııany qutqaryp qaldy. Tutynýshylarmen baılanys bir sátke de úzilgen joq. Kerisinshe, karantın engizilgen alǵashqy 10 kúnde onlaın arnalarǵa habarlasqan tutynýshylar qatary 30 ese ósti.
