Aımaqtar • 17 Mamyr, 2020

Atyraý: Qatty jelden shatyrlar ushty (vıdeo)

1955 retkórsetildi

Tabıǵattyń tosyn «minezine» daýa joq. Senbiniń  keshki qarbalasynda  soltústik-batystan uıytqı soqqan jelmen birge, tolassyz jańbyr jaýdy.

Qatty jelden  Qurmanǵazy aýdandanynda birneshe ǵımarattyń shatyry ushyp, jaramsyz bolyp qaldy. Naqtylaı aıtqanda, aýdan ortalyǵynda ornalasqan M.Áýezov atyndaǵy mekteptiń  400 sharshy metrge jýyq shatyry búlindi. Atalǵan bilim ordasy 1982 jyly salynǵanmen, 2014 jyly kúrdeli jóndeýden ótipti.

Al, Safon aýylynyń balalary bilim alatyn  F.Engels atyndaǵy mekteptiń 150 sharshy metrge jýyqtaıtyn  shatyry da  kózdi ashyp-jumǵansha qalbalaqtap «usha» jóneldi. Bul mektep  2011 jyly salynǵan edi.  Budan ózge garaj ben  qoımanyń 180 sharshy metrdi quraǵan shatyry da jaramsyz kúıge tústi.

Sondaı-aq, qatty jel  Dyńǵyzyl aýyldyq okrýgindegi mádenıet úıi men turǵyndar baspanalarynyń  shatyryn ushyryp, jurtty biraz ábigerge saldy.  Qazir shyǵyn eseptelip jatyr.

1

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar