Kóliktik baqylaý qyzmetkerleri kúndelikti reıd júrgizedi jáne júrgizýshiler men jolaýshylardyń sanıtarlyq normalardy saqtaýyn tekseredi. Esterińizge sala keteıik, buryn №1 avtobýs parki júrgizýshiden koronavırýs tabylǵanyna baılanysty karantınge jabyldy. Covid-19 taralý qaýpi áli saqtalady.
Qoǵamdyq kólik jumysyn 12 mamyrdan bastap jandandyrdy. Avtobýstar saǵat 06:00-den 22:00-ge deıin júredi. Jelide barlyq qalalyq baǵyttar bar. Jolaýshylar aǵyny karantınge deıin 750 myńnan astam adamdy qurady. Qazir jolaýshylar aǵyny osy kórsetkishtiń 30-35%-yn quraıdy.
Qala mańyndaǵy baǵyttar ekinshi kezeńde iske qosylady. Bul týraly qosymsha habarlanady. Barlyq avtobýstar burynǵysha dezınfeksııadan ótedi. Avtobýs júrgizýshileri barlyq qaýipsizdik sharalaryn saqtaıdy: maskalar, qolǵaptar kıedi jáne antıseptık paıdalanady.
Jol aqysyn qolma-qol aqshasyz tóleý qajet. Ol úshin kólik kartasy jáne balamaly tásilder qoldanylady. Bul SMS, QR-kod jáne mobıldi qosymshalar arqyly tóleý. Qolma-qol aqshasyz tóleý úlesi karantın engizilgenge deıin 98%-dy qurady. Karantın kezinde satyp alynǵan aılyq jol júrý aqysy avtomatty túrde paıdalanýshylardyń kólik kartalaryna kóshirilgen. Aılyq jol júrý 2020 jylǵy 12 mamyrdan 11 maýsymǵa deıin jaramdy. Elordada 28 naýryzdan bastap 18 jasqa deıingi balalar kólik kartasy bolǵan jaǵdaıda qoǵamdyq kólikte tegin júre alady.
