Aımaqtar • 18 Mamyr, 2020

Shákirtterin shyńǵa bastaǵan mektep

31 retkórsetildi

Kóp mamandyqtyń ishinde jan-jaqty bilimdi, sheberlikti, erekshe shákirtjandylyqty, meıirimdilikti qajet etetin mamandyq ustazdyq ekenine talas joq. Ustaz bolý balaǵa bilim berýmen ǵana shektelmeıtindigin nazarǵa alatyn bolsaq, Almaty qalasy Alataý aýdanyna qarasty №178 lıseıde búgingi zaman talabyna saı shákirt daıarlaýda balalardyń izdenimpazdyq, zertteýshilik, tipten ónertapqyshtyq pen shyǵarmashylyq baǵytta damýyna barynsha kóńil bólinýde.

Ár oqýshynyń úlken ómir jolynda tulǵa bolyp qalyptasýyna jeteleýde ujym basshysy Qazaqstannyń bilim berý isiniń úzdigi Qaıratbek Shadıev  bilim ordasynyń jańashyl baǵytta damýyna barynsha kúsh salyp keledi.  №178 lıseı Alataý aýdanyndaǵy eń kóp jeńimpazdar shyqqan mektep retinde bıikterden kórinip júr. Túlekteri «Bolashaq» baǵdarlamasynyń grantymen shetelderde bilim alýda. Olar elimizdegi tańdaýly oqý oryndarymen qatar, Reseıde, arysy Amerıka, Anglııa, Koreıada bilim alyp, elimizdegi mınıstrlikter men ákimdikterde, túrli basqarmalarda ár sala boıynsha jemisti eńbek etýde. Lıseıdiń shákirtteri qalalyq, respýblıkalyq, halyqaralyq bilim, óner, sport saıystarynda únemi jeńimpazdar qatarynan tabylýda. Sońǵy úsh jyldyń ishinde oqýshylardyń ǵylymı jobalary men pándik olımpıadalar saıysynda halyqaralyq deńgeıde – 27, respýblıkalyq deńgeıde – 18 shákirti jeńimpaz atandy. Búginde lıseı oqýshylary úshin tereńdete oqytatyn kýrstar, fakýltatıvter, úıirmeler turaqty ótkizip keledi. Mektep oqýshylarynyń pándik olımpıadalar men sporttyq saıystarda da júldeli oryndardy baǵyndyryp júrgendigi, jyl saıyn UBT-da joǵary kórsetkishterge qol jetkizip júrgendigi qýantady. Mysaly, lıseı oqýshylary HI Eýrazııalyq olımpıadanyń jeńimpazy men júldegerleri atanǵan. Sondaı-aq, QR Bilim jáne ǵylym mınıstrligi jaratylystaný-matematıkalyq baǵyttaǵy pánder boıynsha respýblıkalyq olımpıada júldeli oryndarǵa ıe bolyp júr. Sonymen qatar lıseıdiń bıologııa páni muǵalimi Aıdarova Aıdana,  Alataý aýdany uıymdastyrǵan «Pedagogıkalyq ıdeıalar festıvali» baıqaýyna qatysyp I oryn ıegeri atandy. Fızıka pániniń muǵalimi Gúlnar Slıamǵalıeva Prezıdenttiń alǵysyna ıe bolsa, qazaq tili men ádebıeti pəni muǵalimi Qaıyrbaı Qanat «Úzdik pedagog-2019» respýblıkalyq konkýrsynyń júldegeri atandy. Qazaq tili men ádebıeti pániniń muǵalimi Isabaeva Balmıra Abaı Qunanbaıulynyń  175 jyldyq mereıtoıyna oraı bilim berý men oqýshylary arasynda ótken  «Abaı murasy  – Qazaqtyń qasıetti qazynasy» halyqaralyq baıqaýynyń jeńimpazy atanyp, maqalasy materıaldar jınaǵyna endi. Sondaı-aq, QR «Bilim órkenieti» ulttyq ınnovasııalyq  ǵylymı-zertteý ortalyǵy atynan Bilim men ǵylym salasyna qosqan aıryqsha eńbegi jáne Abaı murasyna degen qurmeti úshin «Abaı Qunanbaıuly»  tósbelgisimen marapattalyp, arnaıy kýáliktiń ıegeri atandy.

 «Ustazdyń laýlaǵan jalyny – ár júrekke jylý seýip, nur quıatyn qýattyń, ómirdiń qaınar kózi» demekshi, muǵalim tárbıesi men ónegesi – oqýshynyń bolashaq azyǵy. Qaıratbek Hamzahanuly basshylyq etetin lıseı fızıkany, robototehnıkany oqytýda «Sóz úıretpeıdi, áreket úıretedi» ustanymynda. «Fızıka men matematıka – gýmandyq pán bolǵandyqtan, ony meńgergen adamnyń oılaý mádenıeti jáne adamnyń adamgershiligi de joǵary bolady, jaman isterge barmaıdy» dep biletin lıseı ujymy  ıntellektýaldy tulǵa qalyptastyryp, jas urpaqtyń tárbıesine barynsha nazar aýdaryp keledi. AQSh-tyń Ekonomıkalyq Bilim berý jónindegi Ulttyq Keńestiń treneri, «Ekonomıka negizderi jáne qarjy saýattylyǵy» baǵdarlamasy men «Menedjment jáne ekonomıkalyq modeldeý», «Tıtan», «Bankter is-áreketter barysynda» Junior Achievement Worldwide halyqaralyq baǵdarlamalary boıynsha ádisker-muǵalim retinde belgili Qaıratbek Hamzahanuly basqaryp otyrǵan ujym respýblıka boıynsha jáne Almaty qalasy muǵalimderimen birge pedagogıkalyq biliktilikterin ınnovasııa turǵysynan damytý isine belsene atsalysýda. 

«Kópti jaman basshy tozdyrady, jaqsy basshy ozdyrady» degen halyq  danalyǵyna súıenetin bolsaq, oqýshylar men ata-analardyń lıseı ujymyna aıtar alǵysy sheksiz. Mektep ujymynyń bıik mejelerdi baǵyndyrýdaǵy keleli josparlarynyń arqasynda ári bilikti basshy Qaıratbek Hamzahanulynyń talap qoıǵyshtyǵynyń arqasynda mpektep oqýshylary joǵary jetistikterge jetýge tyrysady. Mekteptiń de, ustazdyń da, árbir oqýyshynyń da jetken jetistigi atalǵan bilim ordasyndaǵy sapaly júrgizilgen jetistik baǵdarlamasynyń negizi. Mekteptegi árbir muǵaliminiń pedagogıkalyq eńbek joly, oqý-ádistemelik beınesi men tabysy, shákirtteriniń qol jetkizgen nátıjelerin arnaıy jeke-jeke jazyp shyqsa artyq bolmas. Ustaz úshin odan artyq syı bolmas! Osyndaı basshyǵa jáne mártebesi joǵary pedagogıkalyq ujymǵa densaýlyq, tvorchestvolyq shabyt, eńbekte jemis tileımin», deıdi 11 «J» synybynyń oqýshysy Ábdijálelqyzy Mahabbattyń anasy Sáýle Tabaldınova.

Oqýshynyń tulǵa retinde qalyptasýynda bilim men ınnovasııa ushtastyra bilgen ujymnyń aldaǵy isterine sáttilik tilegen ata-analar aldaǵy UBT-da lıseı oqýshylary joǵary kórsetkishterimen erekshelenedi degen senimde.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar