Qazirgi kezde áleýmettik nannyń ózin qalypty baǵadan 5-10 teńgege qymbat satyp jatqan aımaqtar bar. Osy oraıda Ranking.kz sarapshylary qazaqstandyqtardyń sáýir aıyndaǵy shyǵyndaryn eseptep, jalaqynyń qansha paıyzy azyq-túlikke ketkendigin saraptady.
Sáýir aıynda qazaqstandyqtar bólshek saýda obektilerinde 495,7 mlrd. teńge jumsaǵan. Bul ótken jyldyń sáýir aıymen salystyrǵanda 40,9%-ǵa az. Inflıasııaǵa baılanysty saýda kólemi jylyna 44,7% qurap otyr. Al qańtar-sáýir aılarynda bólshek saýda 2,87 trln teńgeni qurasa, bul ótken jyldyń birinshi toqsanymen salystyrǵanda 5,9%-ǵa tómen. «Sáýirde bólshek saýdanyń jalpy kólemindegi tamaq ónimderiniń úlesi 255,4 mlrd teńgeni quraǵan (51,5%). Salystyra kelgende jyldyń birinshi toqsanda qazaqstandyqtar jasaǵan saýdanyń 36,6%-y azyq-túlikke tıesili. Sarapshylar ádette tamaq ónimderi bólshek saýdanyń jalpy kóleminiń úshten bir bóligin quraıtyndyǵyn aıtady.
Sáýir aıynda elde azyq-túlikpen qatar jýatyn jáne tazartatyn taýarlar 1,5-3,6%-ǵa ósken. Bir ǵana kir jýatyn untaqtyń baǵasy bir jyl ishinde shamamen 18% qymbattaǵan.
