Aımaqtar • 18 Mamyr, 2020

Almatyda 25 mamyrdan bastap qandaı uıymdar jumysqa qosylady?

398 retkórsetildi

Almatyda 2020 jylǵy 25 mamyrdan bastap, alańy 500 sharshy metrden astam saýda nysandary, qonaqúıler (hostelderdi qospaǵanda), sondaı-aq qoǵamdyq tamaqtandyrý nysandary jumysyn bastaıdy.

Sonymen Almatyda 25 mamyrdan bastap, alańy 500 sharshy metrden astam 138 saýda nysandarynyń jumysyna qoıylǵan shekteýlerdi alý josparlanyp otyr. Jekeleı alǵanda, SÚ, SO, SOO aýmaǵynda ornalasqan azyq-túliktik emes býtıkter, sán salondary, hımııalyq tazalaý jáne meıramhanalar jumystaryn bastaıdy.

Saýda nysandarynyń jumystaryna saǵat 23:00-ge deıin ruqsat beriletin bolady. SÚ, SO jáne SOO aýmaǵynda ornalasqan fýd-korttardy ashý kelesi – 2-shi kezeń sheńberine, SPA, fıtnes-ortalyqtaryn jáne oıyn-saýyq nysandaryn ashý – 3-shi kezeń sheńberine josparlanyp otyr. Olardyń ashylý kúni qaladaǵy epıdemıologııalyq jaǵdaıǵa baılanysty bolady jáne qosymsha habarlanady.

Qoǵamdyq tamaqtandyrý nysandaryna keletin bolsaq, 25 mamyrdan bastap, qoǵamdyq tamaqtandyrý nysandarynyń jazǵy alańdaryn qosa alǵanda, jalpy sany shamamen 27 myń adamdy quraıtyn 3100 kásiporyn jumysyn bastaıdy. Olardyń jumysynyń negizgi sharty kórshi stoldaǵy otyrǵan kelýshilerdiń ara-qashyqtyǵynyń keminde 2 metr bolýyn qamtamasyz etý jáne 1 stolǵa 4 adamnan, bir otbasynyń múshelerin aıtpaǵanda, otyrǵyzý bolyp tabylady. Qoǵamdyq tamaqtandyrý nysandarynyń jumysy saǵat 23:00-ge deıin ruqsat etiledi. Birinshi kezeńde banketter men saltanatty toılar ótkizýge tyıym salynady. Sondaı-aq, atalǵan kezeńde qoǵamdyq tamaqtandyrý nysandarynyń aýmaǵynda jumys isteıtin karaoke, bılıard jáne kóńil kóteretin mekemelerdiń jumystaryna tyıym salynady. Kalıan jumysyna karantınniń búkil kezeńinde tyıym salynady.

Sondaı-aq, 25 mamyrdan bastap, 5 myńnan astam jalpy jumysshylar sanymen 393 qonaqúıleri (hostelderdi qospaǵanda) jumysyn bastaýdy josparlap otyr. Bul kezeńde, 25 mamyrdan bastap, olarǵa qonaq bólmelerin berýge jáne óziniń aýmaǵynda meıramhanalar ashýǵa ruqsat beriledi. Bul rette, qonaqúıdegi meıramhanalarǵa qoǵamdyq tamaqtandyrý nysandaryna qoıylǵan talaptar qoıylady. SPA, basseınder jáne trenajer zaldaryn ashý kúni qaladaǵy epıdemıologııalyq jaǵdaılarǵa baılanysty bolady jáne qosymsha habarlanady.

Osylaısha, 25 mamyrdan bastap, qalada 84,2 myń adamdy jumyspen qamtı otyryp, barlyǵy 3631 kásiporyndy iske qosý josparlanyp otyr.

Megapolıste burynǵysha karantın sharalarynyń jalǵasyp otyrǵanyn nazarǵa ala otyryp, saýda, qoǵamdyq tamaqtandyrý, sondaı-aq  qonaqúı nysandarynyń jumysy barlyq sanıtarııalyq-epıdemıologııalyq talaptar saqtalǵan jaǵdaıda múmkin bolady. Sonymen birge, Almatyda alańy 2000 sharshy metrden astam iri saýda nysandaryn (megapolıste mundaı nysandar barlyǵy 64), mindetti nysandardyń  daıyndylyǵynyń baǵalaýyn ótkizgennen keıin ǵana ashý múmkin bolady.

Aýdıt ótkizýge beriletin tapsyrys kún saıyn call-centre (+7 775 882 55 39, +7 775 882 57 08, +7 775 882 55 46, +7 775 882 54 16, +7 775 882 56 02, +7 775 882 53 12, + 7 775 882 56 49, +7 775 882 52 00, +7 775 882 56 72, +7 775 882 53 92) sondaı-aq elektrondyq info_onlinetrade@mail.kz poshta arqyly qabyldanady.

Qalǵan saýda, qoǵamdyq tamaqtandyrý jáne qonaqúı nysandaryna qoıylǵan shekteýlerdi daıyndyq baǵalaýyn ótkizbeı-aq, kelesi algorıtmnen: birinshi – Almaty qalasynyń bas memlekettik sanıtarııalyq dárigeriniń infoalmaty.kz saıtyndaǵy qaýlysynyń erejelerimen tanysý, ekinshi – nysannyń ereje talaptaryna sáıkes daıyndyǵy, onyń qatarynda mindetti áleýmettik qashyqtyq, jumys oryndaryndaǵy qatań sanıtarııalyq rejim jáne t.b. ótken jaǵdaıda alý múmkin bolady. Daıyndyq úderisi aıaqtalǵannan keıin – infoalmaty.kz saıtyna tirkeledi jáne nysan erejeniń talaptaryna sáıkes, daıyn ekenin rastaıdy, sondaı-aq kásiporyndarda elektrondyq sıfrlyq qol qoıylǵan habarlamaǵa qol qoıý arqyly bekitilgen normalardyń saqtalýyna kepildik beredi. 

Jumys oryndaryna tikeleı qajetti jumysshylar sanyn atalǵan uıymdardyń basshylary ózderi belgileıdi.

Qyzmetine ruqsat berilgen uıymdardyń oblysta turatyn qyzmetkerlerine qalaǵa kirýge jáne shyǵýǵa ruqsat beriledi. Qalaǵa kirýdiń mindetti sharty qyzmetkerlerdiń derekterin infoalmaty.kz bazasyna engizý.

 

 

 

ALMATY

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar