Tótennen kelgen sýdyń astynda qalyp, ábigerge túsken Maqtaaral aýdanyna Shyǵys Qazaqstannan gýmanıtarlyq kómek jetti. Oblys ákimi Danıal Ahmetovtiń bastamasymen qolǵa alynǵan qaıyrymdylyq sharasyn belgili mesenat, Katonqaraǵaı aýdany, Arshaty aýylynyń týmasy Ǵanı Shaımardanov qoldap, kómek qolyn sozypty.
Shyǵystan artynyp-tartynyp attanǵan kerýendi Shymkent qalasynda Túrkistan oblysy jáne Shymkent qalasynyń Qurmetti azamattarymen qatar Qazaqstannyń qurmetti qurylysshysy Ábdiǵanı Tashqaraev pen Elbasynyń kýrstasy, KSRO Memlekettik syılyǵynyń ıegeri Amanáli Ábdiramanov qarsy alypty.
«20 tonna azyq-túlik (5 tonna qaraqumyq, 5 tonna kúnbaǵys maıy, 10 tonna un) jetkizildi. Kásipker Sosıalıstik Eńbek Eri Nurmuhamed Esentaevtyń otbasyna 500 myń teńge qarjylaı qoldaý kórsetti.
Qaıyrymdylyq sharasyna «Nur Otan» partııasynyń oblystyq fılıaly, Qazaqstan halqy Assambleıasy Shyǵys Qazaqstan oblystyq hatshylyǵy ókilderi, «Halıfa Altaı» meshitiniń bas ımamy Ermek qajy Muqataı, ózge de oblys turǵyndary belsene atsalysty» deıdi Qazaqstan halqy Assambleıasy Shyǵys Qazaqstan oblystyq hatshylyǵynyń meńgerýshisi Janna Asqarqyzy.
Shyǵys Qazaqstan oblysy
