Koronavırýs • 18 Mamyr, 2020

Qazaqstan COVID-19 vaksınasyn ázirleýshi elderdiń qataryna qosyldy

90 retkórsetildi

Dúnıejúzilik densaýlyq saqtaý uıymy qazaqstandyq ǵalymdardyń ázirlemesin tirkeýge aldy jáne klınıkaǵa deıingi synaqtan ótkizýge ruqsat berilgen kandıdattyq vaksınalardyń tizimine qosyp, resmı saıtynda jarııalady. Bul týraly Bilim jáne ǵylym mınıstrligi habarlady. 

Buǵan deıin koronavırýsqa qarsy vaksınany Bıologııalyq qaýipsizdik problemalary ǵylymı-zertteý ınstıtýtynyń ázirlegeni jáne onyń daıyndalý barysy jóninde keńirek tarqatyp jazǵanbyz. Atalǵan otandyq ónim Qazaqstan aýmaǵynda COVID-19 ınfeksııasyn juqtyrǵan adamdardan bólingen vırýs shtammynyń negizinde jasaldy.

Bilim jáne ǵylym mınıstri Ashat Aımaǵambetov osyndaı nátıjege qol jetkizgen ǵylymı-zertteý ınstıtýtynyń qyzmetkerlerin quttyqtady. Mınıstr joldaǵan jedelhatta:

«Bul – qazaqstandyq ǵylymnyń memleketimizdiń bıologııalyq qaýipsizdigin qamtamasyz etýge qosqan eleýli úlesi, sondaı-aq eldiń myqty ǵylymı áleýetiniń dáleli. Instıtýt ujymy qaýipti jáne asa qaýipti aýrýlarǵa qarsy vaksınalardyń jańa túrlerin ázirleýde óz mańyzdylyǵyn taǵy bir márte dáleldedi», delingen.

Minekeı, endi Qazaqstan resmı túrde COVID-19 vırýsyna qarsy ınaktıvtendirilgen vaksınany ázirleýshi elderdiń qataryna qosyldy. Demek, ınstıtýt ǵalymdary klınıkaǵa deıingi synaq júrgizýdi bastaıdy.  

Aıta keteıik, Bıologııalyq qaýipsizdik problemalary ǵylymı-zertteý ınstıtýty qaýipti jáne asa qaýipti aýrýlarǵa qarsy vaksınalardyń 67 túrin, 15 test-júıe men 30-dan astam bıopreparattardy ázirlep, óndiriske engizgenin esterińizge sala keteıik. Olardyń arasynda qustardyń joǵary patogendi tumaýy men joǵary patogendi shoshqa tumaýyna, nodýlıarlyq dermatıtke qarsy vaksınalar, sondaı-aq brýsellezge qarsy jańa vektorlyq vaksına da bar.

 

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar