Elimizdiń barlyq óńirlerinen kelip jatqan kómekke alǵys qaıtarý maqsatynda aýdan ákimi Baqyt Asanovtyń bastamasymen jeke kásipker Qanat Maratuly 600 tonna qyryqqabatty gýmanıtarlyq kómekti alyp kelgen óńirlerdiń júk kólikterine tıep, tegin taratýda. Kásipker maqtaaraldyqtarǵa qıyn tusta kómek qolyn sozǵan azamattarǵa alǵyspen jaýap qatýdy azamattyq paryzy sanaıdy.
Qostanaı oblysynyń turǵyndary da Maqtaaral aýdanyna gýmanıtarlyq kómek alyp kelip, jergilikti jurttyń alǵysyna bólendi. «Birgemiz» aksııasy aıasynda Nur Otan partııasynyń Qostanaı oblystyq fılıaly jergilikti «Salamat» jáne «Atameken-Dos» JShS qoldaýymen topan sýdan zardap shekkenderge 20 tonna gýmanıtarlyq kómek jiberdi.
Partııa belsendileri men volonterleri birlese jınaǵan kómek tıelgen júk kóligi úsh kún jol júrip, Atakenttegi ortalyq qoımaǵa jetti.
