Qoǵam • 18 Mamyr, 2020

«Men – Abaıdyń urpaǵy» atty respýblıkalyq konkýrs ótti

61 retkórsetildi

Qazaq Bas sáýlet - qurylys akademııasy janyndaǵy lıseı oqýshylarǵa sapaly bilim alýǵa, shyǵarmashylyq suranystardy júzege asyrýǵa, olardy tereńdetip oqytý úshin pánderdi óz betinshe tańdaýǵa múmkindik beredi. Osy maqsatta olımpıadalar, konkýrstar, vıktorınalar, ǵylymı-praktıkalyq konferensııalar, debattar ótkiziledi, lıseı oqýshylarynyń aýdandyq, qalalyq, oblystyq jáne respýblıkalyq olımpıadalar men konkýrstarǵa qatysýy qamtamasyz etiledi.

Uzaq daıyndyq jumystarynyń nátıjesinde QazBSQA janyndaǵy lıseı IýNESKO klýbynyń tolyq quqyqty múshesi bolyp tabylady, bul oqýshylarǵa halyqaralyq jobalarǵa qatysýǵa keń múmkindik beredi. QazBSQA janyndaǵy lıseı túrli jobalardy belsendi engizip, bilim berý sapasyn jaqsartý jáne oqýshylardyń shyǵarmashylyq deńgeıin arttyrý úshin bastama jasaıdy.

QazBSQA janyndaǵy lıseıdiń Qazaq tili men ádebıetiniń oqytýshysy N.T.Safýllına «Memleket basshysy Qasym-Jomart Toqaevtyń «Abaı jáne HHI ǵasyrdaǵy Qazaqstan» maqalasynda Abaıdyń tulǵasy men murasyn ulyqtaý maqsatynda bilim berý salasyna úlken mindetter júktedi. Qazaqtyń birtýar uldarynyń biri, danyshpan aqyn, oıshyl, dana ǵulamalarynyń biri, qazaq ádebıetiniń shoqtyǵy bıik iri tulǵasy Abaı eńbekteriniń nárin óskeleń urpaqtyń sanasyna sińirý maqsatynda ujymy is-sharalar uımdastyrýdy QazBSQA janyndaǵy lıseı basshylyqqa aldy. Qazaq Bas sáýlet - qurylys akademııasynyń 40 jyldyǵyn jáne Uly Abaı Qunanbaevtyń 175 jyldyǵyn merekeleýge arnalǵan is-sharalar aıasynda Innovasııa ınstıtýty jáne qosymsha bilim berý jáne jekemenshik bilim berý uıymdarynyń respýblıkalyq qaýymdastyǵynyń qoldaýymen, QazBSQA janyndaǵy lıseı «Men –– Abaıdyń urpaǵy» atty respýblıkalyq qashyqtyq konkýrsyn ótkizdi jáne Qazaqstan Respýblıkasynyń jalpy bilim berý mekemeleriniń 4-11 synyp oqýshylaryn qatysýǵa shaqyrdy» dep atap ótti.

«...Abaıdyń ózi ólse de, sózi ólgen joq,

Abaıǵa eshbir aqyn teńelgen joq.

Máńgilik búgingideı seniń jyryń,

Eskirip aıtqan úlgiń kónergen joq.

Halyqqa úlgi bergen senen ózge

Aqynda siz sııaqty sheber de joq....» dep aqyn Qasym Amanjolov  jyrlaǵandaı, Abaıdyń ózi  ólse de, artynda qaldyrǵan  murasy ǵasyrdan-ǵasyrǵa  jeteri  anyq. Abaı Qunanbaıuly - qazaqtyń júregindegi  máńgilik esim.

Abaıdy qalaı dáriptesek te jarasady. Onyń ǵıbratty ǵumyry men shynaıy shyǵarmashylyǵy – qazaq halqyna ǵana emes, jahan jurtyna da úlgi-ónege. Abaıdyń adam men qoǵam, bilim men ǵylym, din men dástúr, tabıǵat pen qorshaǵan orta, memleket pen bılik, til men qarym-qatynas týraly aıtqan oı-tujyrymdary ǵasyrlar ótse de mańyzyn joǵaltpaıdy. О́ıtkeni aqynnyń murasy – búkil adamzat balasynyń rýhanı azyǵy. Olaı bolsa, Abaı Qunanbaevtyń shyǵarmashylyq murasyn nasıhattaýdy, Abaıdyń shyǵarmashylyq murasyna degen súıispenshilikke tárbıeleýdi, oqýshylardyń rýhanı oı-órisin keńeıtý men ózge ult ókilderiniń qazaq mádenıeti men ádebıetine qyzyǵýshylyǵyn arttyrýdy jáne daryndy oqýshylardy anyqtaý jáne qoldaýdy maqsat etken baıqaýǵa jumystar úsh tilde qabyldanyp, jas sanattary boıynsha ótkizildi. Birinshi top – 4-5 synyp oqýshylary (mánerlep oqý saıysy). Osy toptyń ár qatysýshysy Abaıdyń shyǵarmalaryn mánerlep oqý arqyly beınerolık usyndy. Qatysýshylardyń baıandamalary taqyrypqa sáıkestigi, sahna mádenıeti, sóıleýdiń ıntonasııalyq mánerliligi, sóıleýdiń emosııalyq-ekspressıvti boıaýyna baılanysty ( mýzykalyq jáne horeografııalyq bezendirý ) baǵalandy.

Ekinshi top – 6-7 synyp oqýshylary ( Abaı ánderin oryndaý baıqaýy). Osy toptyń ár qatysýshysy Abaı ánderin oryndaýmen beınerolık usyndy. Qatysýshylardyń baıandamalary mýzykalyq, taqyrypqa sáıkestigi, sahna mádenıeti, ártistik jáne oryndaý ereksheligi; oryndaý tehnıkasy boıynsha baǵalanǵan.

Úshinshi top – 8-9 synyp oqýshylary («Abaı joly» romanynan Abaı monology). Osy toptyń ár qatysýshysy Abaıdyń monologymen beınerolık usyndy.

Qatysýshylardyń qoıylymdary sahna mádenıeti, ártistik jáne oryndaý ereksheligi boıynsha baǵalandy. Al tórtinshi top – 10-11 synyp oqýshylary «Abaı - uly, sózderi - máńgilik» taqyrybynda esse jazdy.

Baıqaý jeńimpazdary QazBSQA basshylyǵynyń maqtaý qaǵazdarymen marapattalyp, jetekshileri oqýshylardy baıqaýǵa daıyndaǵany úshin alǵys hattar aldy. Qatysýshylardyń dıplomdary men alǵys hattary onlaın joldandy.

Sońǵy jańalyqtar

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar