Aımaqtar • 18 Mamyr, 2020

Telegram-botta HQO-ǵa kezek brondaý múmkindigi paıda boldy

37 retkórsetildi

Qazaqstandyqtarǵa qolaıly bolý úshin HQO-ǵa kezekti brondaý ádisteriniń túri kóbeıtildi. Endi qyzmet alýshylar HQO-ǵa kezekti tek egov.kz portalynda nemese 1414 baılanys ortalyǵy arqyly ǵana emes, sondaı-aq eGovKzBot2.0 telegram-botynyń kómegimen de brondaı alady, dep habarlaıdy «Azamattarǵa arnalǵan Úkimet» MK Mańǵystaý oblysy boıynsha fılıalynyń baspasóz qyzmeti.

Ol úshin qyzmet alýshy mobıldi azamattar bazasynda tirkelýi kerek jáne onyń uıaly telefonyna telegram qosymshasy júktelgen bolsa bolǵany. Mobıldi azamattar bazasyna egov.kz elektrondy úkimet portalyndaǵy vırtýaldy assıstenttiń kómegimen tirkelýge bolady. Sonymen, HQO-ǵa kezekti brondaý úshin paıdalanýshy mázirden «HQO-ǵa kezekti brondaý» qyzmetin tańdaıdy. Ary qaraı júıe memlekettik qyzmetterdi alýǵa yńǵaıly aımaqty, HQO mekenjaıyn, barý maqsatyn, yńǵaıly kúni men ýaqytty tańdaýdy usynady.

Barlyq qadamdar jasalǵan soń qyzmet alýshynyń uıaly telefonyna onyń JSN, tańdalǵan HQO mekenjaıy, kúni men ýaqyty kórsetilgen sms keledi. HQO-ǵa kelgen kezde osy sms-habarlamany kórsetý arqyly kezekti aldyn ala brondaǵanyńyzdy rastaısyz.

Aıta keteıik, qazirgi tańda eGovKzBot2.0 telegram-boty arqyly 28 memlekettik qyzmet pen servıs qoljetimdi. Olardyń ishinde keń qoldanysqa ıe bolǵandary dárigerdi úıge shaqyrý, aıyppuldardy tekserý, medısınalyq mekemelerden alynǵan anyqtamalar, zeınetaqy aýdarymdary týraly anyqtamalar jáne t. b.

Esterińizge sala keteıik, koronavırýs pandemııasy jaǵdaıynda jáne azamattardyń bir jerge shoǵyrlanýyn boldyrmaý maqsatynda HQO-lar  egov.kz portalynda qoljetimsiz qaǵaz túrindegi memlekettik qyzmetterdi tek aldyn ala brondaý boıynsha kórsetedi. Egov.kz portalynda onlaın brondaý qyzmeti HQO-lar óz qyzmetin qaıta bastaǵan óńirler úshin ǵana jaramdy.

 

Mańǵystaý oblysy

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar