Qoǵam • 18 Mamyr, 2020

Qalalar arasyndaǵy blokbeketter áli de saqtalady - Tımýr Sultanǵazıev

15 retkórsetildi

Bul týraly Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev aıtty.

«Qalalar arasyndaǵy blokbeketter áli de saqtalady. Oblystar men óńirler arasyndaǵy qozǵalysqa da shekteý bar. Ázirge blokbeketterdi alyp bastaýdy kózdep otyrǵan joqpyz. Bul óńirlerdegi epıdemıologııalyq ahýaldyń ártúrli bolýymen baılanysty. Ony ózderińiz de kórip otyrsyzdar. Máselen sońǵy birneshe kún boıy Shymkent qalasy men Atyraý oblysynda aıtarlyqtaı ósim oryn alýda. О́ńirler arasyndaǵy karantın sharalaryn jeńildetý jáne blokbeketterdi alý ınfeksııanyń Shymkent qalasynan Túrkistan oblysyna nemese Atyraý oblysynan oǵan jaqyn óńirlerge taralýyna ákelýi múmkin», - dedi Tımýr Sultanǵazıev.

Budan soń, ol áýe reısteriniń qaıta jandanyp, jıilikterin arttyrý sebebin túsindirdi.

«Ushaqta bolý ýaqyty qysqa ekendigin túsiný qajet. Nur-Sultannan Almatyǵa deıin 1,5 saǵat qana ushasyń. Táýekel aıtarlyqtaı úlken emes. Al halyqtyń bir óńirden ekinshisine jappaı qozǵalýynyń táýekeli óte joǵary. Adamdar óńirlerdiń arasynda avtomobılmen jappaı júre bastaıtyndyǵyn túsiný qajet. Al ol adamnyń buǵan deıin qaıda bolǵanyn, kimmen qarym-qatynasta bolǵanyn eshkim bilmeıdi», - dedi komıtet tóraǵasy.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar