Álemdik pandemııa kezinde el Prezıdenti barlyq kásipkerlerdi óz otandastaryna barynsha qoldaý kórsetýge jáne kómek kórsetýge shaqyrǵany belgili. Bul jaı kóptegen adamdardy beı-jaı qaldyrmady.
Bul ıdeıany qıyn kezeńde bir-birine janashyrlyq tanytý, qamqor bolý, birlikti saqtaý paryzymyz dep biletin volonterlik, qaıyrymdylyq jáne basqa da uıymdar, jeke kásipkerler qoldady.
Olardyń biri, qıyn kezeńde jaqsy isti qolǵa alǵan almatylyq jas kásipker Aıdar Jaqypov boldy. Aldymen Aıdar Almaty oblysynyń Tuzdybastaý aýylynyń 50 kóp balaly otbasyna qarjylaı kómek kórsetken edi. Bul isti jaqsy dástúrge aınaldyryp, óz estafetasyn dostaryna, iskerlerge joldady. Nátıjesinde ony qoldaǵan dostary estafetany jalǵastyryp, qaıyrymdylyq ister jasady, kóptegen az qamtylǵan otbasylarǵa qoldaý kórsetti. Qaıyrymdy ister estafetasy aıasynda Aıdardy qoldaǵan «Intant» kompanııasy, dene qyzýyn ólsheıtin, ınnovasııalyq 5 teplovızıondy kamerasyn usynǵan bolatyn. Aıdar onyń birin Almaty qalasynyń HQO-na syıǵa tartty.
«Bizge Aıdar osyndaı biregeı apparatty tegin usyndy. Onyń ústine, bul álemdik ınnovasııalyq ónimder óndirýdegi álemdik jetekshi «Hikvision» kompanııasynyń ónimi eken. Vırýsty juqtyrýdyń negizgi sımptomdarynyń biri joǵary temperatýra bolyp tabylatyny belgili. Demek, joǵary temperatýra dáldigi bar teplovızıondy kamera aldyn ala tekserý júrgizý úshin deneniń joǵary temperatýrasyn anyqtaı alady. Biz apparatty qýana qabyldap, Medeý HQO-na qoıdyq. Osyndaı ıgi isi úshin Aıdar Jaqypovqa alǵys bildiremiz. Osyǵan deıin ol ózi basqaratyn bakterısıdti shamdar shyǵaratyn kompanııasynyń ónimimen Medeý aýdanyndaǵy HQO kabınetin jabdyqtap bergen edi. Biz shyn júrekten qýanyshtymyz», - deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.
«Men qazaq halqynyń shynaıy perzenti retinde halqyma jaqsylyq jasaǵym keledi. Medeý front-ofısine syıǵa tartqan teplovızıondy kamera ár adamnyń temperatýrasyn bir sekýnd ishinde anyqtaı alady. Osylaısha, temperatýrany tekserý qajet ýchaskeden ótý kezinde keptelister bolmaıdy. Adamnyń janasýynsyz temperatýrasyn 1-den 2,5 metrge deıingi qashyqtyqtan ólsheıdi jáne bir mezette 30 adamnyń qyzýyn ólsheı alady. Joǵary qyzýy bar adamdy, betperdesiz adamdy anyqtap, dybystyq dabyl beredi. Meniń oıymsha, bul apparat kóbirek paıdaly ári juqtyrý qaýpi az. Barlyq adamdardy qıyn sátte bir-birine kómektesýge jáne qoldaýǵa shaqyrǵym keledi. Qaıyrymdylyq jasaýdy, qamqorlyq kórsetýdi jáne basqalardy qýantýdy toqtatpańyzdar», - deıdi jas mesenat Aıdar Jaqypov.
Esterińizge sala keteıik, Almaty qalasy boıynsha halyqqa qyzmet kórsetý ortalyqtary óz jumysyn áli bastaǵan joq.
HQO-lar azamattarǵa memlekettik qyzmetterdi Almaty qalasynyń bas sanıtarlyq dárigeri tıisti sheshim qabyldaǵannan keıin ǵana kórsete bastaıdy.
ALMATY
