Densaýlyq saqtaý mınıstri E. Birtanov óz málimdemesinde sanıtarııalyq-epıdemıologııalyq talaptardy qatań saqtaý qajettiligine toqtaldy. Sebebi qarantın sharalaryn jeńildetý keıbir óńirlerde aýrýdy juqtyrý sanyn kóbeıtip otyr.
Osyǵan oraı, óńirlerde qyzmetine qaıta kirisken obektilerde sanıtarııalyq talaptardyń oryndalýyna qatań baqylaý uıymdastyrý tapsyryldy.
Tek Nur-Sultan qalasynda júrgizilgen tekseris jumystary barysynda sanıtarııalyq talaptardy oryndamaǵany jáne buzǵany úshin 15 qurylys nysanynyń qyzmeti anyqtalǵan kemshilikterdi ornyna keltirgenine toqtatyldy.
Sonymen qatar qolaıly epıdemıologııalyq jaǵdaıdy eskere otyryp, Vedomstvoaralyq komıssııanyń sheshimimen 2020 jylǵy 20 mamyrdan bastap Nur-Sultan men Petropavl qalalarynda saýda-oıyn-saýyq ortalyqtarynyń (oıyn-saýyq alańdary, fýdkorttar, kınoteatrlar iske qosylmaıdy), qoǵamdyq monshalardyń qyzmetin iske qosý týraly sheshim qabyldandy.
Reseı Federasııasynan 1 myńdaı Qazaqstan azamatyn, onyń ishinde sol jaqta oqıtyn stýdent jastarymyzdy elge qaıtarý máselesi qaraldy.
Otyrys qorytyndysy boıynsha Premer-Mınıstrdiń orynbasary E. Toǵjanov birneshe naqty tapsyrma berdi.
