Aımaqtar • 18 Mamyr, 2020

Qyzdar ýnıversıteti: Abaıdy beınelegen arýlar baıqaýy márege jetti

28 retkórsetildi

Abaı Qunanbaıulynyń 175 jyldyǵyna oraı Qazaq ulttyq qyzdar pedagogıkalyq ýnıversıtetinde «Vızýaldy ónerde Abaı álemin beıneleý» taqyrybyndaǵy respýblıkalyq jas sýretshiler baıqaýy márege jetti. Bul týraly oqý ornynyń baspasóz qyzmeti habarlady.

Kásiptik bilim kafedrasynyń muryndyq bolýymen uıymdastyrylǵan shyǵarmashylyq saıysqa kolledj jáne mektep bitirýshi túlekter qatysyp, ózderiniń tyrnaqaldy týyndylaryn usyndy.

– Baıqaýǵa qaǵaz betine nemese kenepke túrli-tústi boıaýmen (akvarel, gýash, akrıl, maıly boıaý) nemese grafıkalyq quraldarmen (týsh, pero, sangına, ýgol, qaryndash, t.b.) Abaı Qunanbaıulynyń shyǵarmalaryna arnalyp salynǵan jumystar qabyldandy. Sýretti salýǵa 2 saǵat ýaqyt bólindi. Zoom platformasy arqyly komıssııa músheleriniń baqylaýymen qatysýshylardyń týyndylary baǵalandy. Alǵash ret ótip otyrǵan saıysqa 26 jas qylqalam sheberi qatysyp, baqtary men baptaryn synady, – deıdi Kásiptik bilim kafedrasynyń meńgerýshisi Rahııa Darmenova.

Baıqaýda Áleýmettik-gýmanıtarlyq fakýltetiniń dekany Jamal Áshirbekova, Kásiptik bilim kafedrasynyń meńgerýshisi Rahııa Darmenova, Qazaqstan Respýblıkasy sýretshiler Odaǵynyń múshesi Marat Turǵymbaı jáne fakýltettiń bilikti oqytýshylary qazylyq jasady.

Onlaın formatta ótken shyǵarmashylyq saıysta birinshi oryndy «Jelsiz túnde jaryq aı» taqyrybyndaǵy kartınany salǵan Qyzylorda oblysynyń Aral aýdanyndaǵy №260 mekteptiń 11-synyp oqýshysy Farıda Jolmyrzaeva ıelendi. Ekinshi orynǵa «Abaıtaný» týyndysymen daıyndyq kýrsynyń tyńdaýshysy Búldirshin Turdybaı laıyq dep tanylsa, úshinshi oryn «Qansonarda búrkitshi shyǵady ańǵa» atty sýrettiń avtory Almaty tehnologııa jáne florıstıka kolledjiniń stýdenti Merýert Sadyqovaǵa buıyrdy.

Baıqaý qorytyndysy boıynsha birinshi oryn alǵan qatysýshy Qyzdar ýnıversıtetinde oqýǵa bir jyldyq oqý aqysyna 50 paıyzdyq, ekinshi oryn alǵan qatysýshy 25 paıyzdyq jáne úshinshi oryn alǵan qatysýshy 15 paıyzdyq jeńildik alady.

Aıta keteıik, saıys «Kórkem eńbek jáne syzý» bilim berý baǵdarlamasy toby boıynsha júrgizildi.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar