Qan quıý arqyly aýrýdy jeńbek

Mamandardyń aıtýynsha, koronavırýsty jeńip shyqqan adamdardyń qanynda oǵan qarsy turatyn antıdene paıda bolady. Bul qandaǵy plazmadan alynady. Ony jańadan aýrý juqtyrǵan pasıentke quıý arqyly, dertinen aıyq­ty­rýǵa múmkindik bar. Buǵan deıin de álemde juqpaly aýrýlardy emdeýde osy plazma quıý eń tıimdi tásil retinde qol­danylyp kelgen. Bul tájirıbeni bú­gin­de batys elderi, Qytaı men Reseı de ko­ronavırýspen kúreste kádege jarata bas­taǵan-dy. Atalǵan ádisti qoldaný úshin Densaýlyq saqtaý mınıstrliginiń Trans­fýzıologııa ǵylymı-óndiristik orta­lyǵy COVID-19-dan jazylyp shyq­qan adamdardyń qanynan plazma daıar­laýdy bastady. О́tken aptada Nur-Sul­tan qalasyndaǵy koronavırýsqa shal­dyǵyp, jazylyp shyqqan eki pası­en­t Qan ortalyǵyna baryp qan tapsyr­dy.

Transfýzıologııa ǵylymı-óndi­ris­tik ortalyǵynyń dırektory Sánııa Ábdi­rahmanovanyń aıtýynsha, qan qatty aýyrǵan kisilerden alynýda. О́ıtkeni osyǵan deıin qan tapsyrǵan emdelýshilerde aýrý jeńil ótkendikten olardyń plazmasynan vırýsqa qarsy antıdene tabylmaǵan kórinedi. «Búgin qan tapsyrǵan kisiler naýryzdyń basy men orta sheninde aýyra bastady. Jaǵ­daı­lary nashar bolǵan edi. Aýrý­ha­nadan sáýirdiń ortasynda ǵana jazylyp shyqty. Osydan soń olar 21 kún úı karantıninde boldy. Iаǵnı dertten to­lyq aıyǵý úshin bir jarym aıdaı ýaqyt qajet», deıdi ol.

Qan tapsyrýǵa kelgen eki pasıent te vırýs juqtyrǵan soń qatty qı­nalǵan. Biri medısına salasynyń qyz­met­keri. Plazmanyń naýqasqa qansha­lyqty kómegi tıetinin jaqsy bi­le­di. Son­dyq­tan da aýrýdan jazyla salys­ymen donor bolýǵa bel býǵan.

Ortalyq mamandarynyń aıtýynsha, qan tapsyrǵandarǵa 7 aılyq eseptik kór­setkish (19 myń teńge shamasynda) syıaqy da beriledi.