Qoǵam • 19 Mamyr, 2020

Jastardan jasaqtalǵan «úkimet» halyqqa qaltqysyz qyzmet etedi

16 retkórsetildi

Halyqtyń tózimi men sabyryn synaǵan kúnderde birligin de, tirligin de kórsetip, bir úıdiń balasyndaı jumys istep jatqan uıymdar bar. Halyqqa yntymaqpen qyzmet kórsetip jatqan mekemeniń biri – «Azamattarǵa arnalǵan úkimet» memlekettik korporasııasynyń Almaty fılıaly ujymy boldy.

Bir ereksheligi, atalǵan ujym­da  qazaq, orys, uıǵyr, túrik, dúngen, nemis, koreı ulttarynan shyqqan jastar jumylyp, tatý-tátti eńbek etip jatyr. «Bereke bastaýy – birlik, ujymdaǵy tatý tirlik» qaǵıdasyn ustanǵan fılıal mamandary, qazirgi qıyn kezeńde de bir-birine qoldaý bil­dirip, qıyndyqty birlese eń­serýge kúsh salýda. Karantın ke­zinde qashyqtan, bir-birinen oq­shaý jumys istegenimen, ti­legi men nıeti bir ekendigin beıne­tas­paǵa jazyp jetkizip jatady.

Máselen, Áýezov aýdandyq front-ofısiniń mamany, I top­taǵy múgedek Larısa Kozına: «Men de Otanymnyń bir bólshegi retinde óz ornymdy taýyp,eńbek etip jatqanyma qýanyshtymyn. Qoldaý kórsetip otyrǵan ujy­myma alǵys bildiremin» dese, Jetisý front-ofısinde eńbek etetin túrik ultynyń ókili Beshlı oǵly Tıýrkan Mamedqyzy da eline, ujymyna degen alǵys sezimin bylaı jetkizedi.

«Eń bastysy, elimizde syı­lastyq bar. Sonymen birge qandaı bastama, izgi is bolmasyn adamnyń ultyna qaramastan qoldap, násiline qarap emes, iskerligine qaraı baǵalanady. Týǵan jerdiń tósinde, qushaǵyn jaıǵan beıbit elde árqaısymyz óz úlesimizdi el birliginiń saq­talýyna, beıbit te mazmundy ómir keshýimizge atsalysyp jat­qanymyzǵa qýanamyn. Bul oraı­da ózim eńbek etetin ujy­mymdy erekshe maqtan tuta­tynym­dy, barlyq jaǵdaıda birge eken­di­gimizdi jetkizgim keledi», deıdi.

Jetisý aýdandyq front-ofısinde qyzmet etetin Marına Rahymbaeva túrli ult ókil­deri birigip, jumyla jumys istep jatqan ujymy tý­raly aıtyp berdi. «Biz bir elde ómir súrip, bir jerdiń sýyn iship, aýasyn birge jutyp júr­gen­dik­ten – taǵdyrymyz bir baýyr­larmyz. Qazirgideı aýyr kezeń biz­derdiń bir-birimizge degen dos­tyq sezimimizdi odan ári ja­qyndastyra túsýde. Men ujym­das­taryma «Biz bárimiz birgemiz!» deı otyryp, júrekjardy lebizin jetkizgim keledi», deıdi.

Bostandyq aýdanyndaǵy front-ofıste kóp jyldan beri eńbek etetin ýkraın qyzy Irına Kýharskaıa da halyqqa qyzmet etetin kezdiń kelgenin aıtady.  «Qazirgi ýaqytta Qazaqstan búkil álem sııaqty kúrdeli kezeńdi bas­tan keshýde. Birligi jarasqan kóp­ultty Qazaqstan halqy bul qıyndyqty da eńseremiz! О́ıt­ke­ni – biz birgemiz!», deıdi jas qyz­metker.

– El basyna kún týǵan qıly zamandarda da halqymyzdy ult retinde saqtap qalǵan – yntymaǵy men birligi. Jaýgershilik zamanda basy aýǵan jaqqa kóship júrip te berekesi men qazanyn ortaıtpaǵan qasıetti qanaǵatshyl halqymyz, bul qıyndyqty da eńsereri sózsiz. «Birlik bar jerde – tirlik bar» demekshi, «Azamattarǵa arnalǵan úkimet» memlekettik korporasııasynyń jastary el basyna  kún týǵan syn saǵattarda birligin de, tirligin de kórsetip otyr, – deıdi Almaty fılıalynyń PR-menedjeri Jańyl Ápetova.

 

ALMATY

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar