Al Qazaqstannyń kásipqoı fýtbol lıgasy koronavırýs pandemııasyna baılanysty ýaqytsha toqtaǵan el chempıonatyn qaıta jalǵastyrý ýaqytynyń tórt nusqasyn qarastyryp jatyr. Birinshi nusqa – 31 mamyr men 4 qazan, ekinshi nusqa – 10 maýsym men 25 qazan, úshinshi nusqa – 20 maýsym men 8 qarasha, tórtinshi nusqa – 1 shilde men 22 qarasha aralyǵy. Aldaǵy ýaqytta mamandar eldegi indettiń taralý qarqynyn baǵamdap, osy tórt nusqanyń birine toqtamaq. Sondaı-aq bıylǵy birinshilik ádettegideı úsh emes eki aınalymmen shekteletin boldy.
Aıta keteıik, fýtboldan bıylǵy el birinshiligi 7 naýryzda bastalyp, 16 naýryzda koronavırýs pandemııasyna baılanysty toqtaǵan-dy. Osy ýaqyt aralyǵynda komandalar eki týr oınady.
