Saıasat • 19 Mamyr, 2020

Azamattyq qoǵamnyń usynystary eskeriledi

8 retkórsetildi

Aqparat jáne qoǵamdyq damý mınıstri Aıda Balaeva Almatyda bedeldi qoǵam qaıratkerlerimen, respýblıkalyq jetekshi úkimettik emes uıymdar, belsendi eriktiler birlestikteri ókilderimen birqatar kezdesýler ótkizdi.

Otyrys barysynda azamattyq sektordyń jańa zańnamalyq bastamalardy, azamattyq qoǵamdy damytý tujyrymdamasyn, «Halyq únine qulaq asatyn memleket» tujyrymdamasyn, azamattyq qoǵamnyń el Prezıdentiniń Joldaýyn iske asyrýdaǵy jáne halyqpen keri baılanys ornatýdaǵy rólin talqylaýǵa qatysý máseleleri qaraldy. Mınıstr úkimettik emes sektordyń tótenshe jaǵdaılar men karantın jaǵdaıynda halyqty qoldaý sharalaryn iske asyrýdaǵy úlesin atap ótti.

Aıda Balaevanyń aıtýynsha, mınıstrlik ashyqtyq pen azamattyq qoǵam ınstıtýttarymen tyǵyz ózara is-qımyl qaǵıdatyn ustanady. Halyqpen kezdesýler turaqty ári salalyq negizde ótkiziledi. Mınıstrlik memlekettik baǵdarlamalardyń iske asyrylý barysy týraly halyqtyń barynsha habardar bolýyn jáne azamattardyń osy baǵdarlamalarǵa qatysýyn erekshe nazarda ustaıdy.

«Úkimettik emes uıymdardyń qatysýymen júzege asyrylatyn mem­lekettik organdar tarapynan jospar­laǵan áleýmettik jobalar, qazaqstan­dyq­tardyń suranystary men qajet­tilik­terine negizdelýi kerek. Sonymen qatar josparlaý, memlekettik áleýmettik tapsyrysty qalyptastyrý, memlekettik granttyq qarjylandyrý máseleleri ashyq bolýǵa tıis. Mınıstrlik halyq­tyń ártúrli maqsatty toptaryn (erekshe qajettilikteri bar adamdar, NEET sana­tyndaǵy jastar (bilimi men daǵdylary joq), kóp balaly otbasylar jáne t.b.) qu­qyqtyq, qarjylyq, sıfrly saýat­tylyq pen daǵdylarǵa úıretýge baǵyt­tal­ǵan jobalardy ázirleıdi», dedi mınıstr. Ol, sondaı-aq otyrysta aıtylǵan barlyq usynystar eskerilip, mınıstrliktiń josparyna engiziletinin jetkizdi.

Úkimettik emes uıymdar memlekettik organdarmen ózara is-qımyldy, volon­ter­lik jáne arnaıy áleýmettik qyzmet­ter salasyndaǵy zańnamany jetildirý boıynsha naqty usynystaryn bildirdi, mı­nıs­trliktiń ashyq dıalog pen birles­ken jumysqa daıyn ekendigin atap ótti.

Almatyǵa jumys sapary aıasynda mınıstr Qazaqstan Pra­voslavıe shirkeýiniń basshysy, Astana men Qazaqstannyń mıtropolıti Alek­sandrmen kezdesti. Kezdesý Voznesensk kafedraly shirkeýinde ótti. Mınıstr Qazaqstan Pravoslavıe shirkeýi qyzme­tiniń qaıta jandanǵanyna 25 jyl tolýyna oraı júrgizilgen aýqymdy ǵylymı-qalpyna keltirý jumystarymen egjeı-tegjeıli tanysty.

Ol mıtropolıt Aleksandrdyń eldegi tatýlyq pen birlikti saqtaýǵa, kon­fes­sııaaralyq jáne ultaralyq kelisimdi da­my­týǵa, otbasylyq qundylyqtardy ny­ǵaı­týǵa belsendi qatysqanyn atap ótti.

A.Balaeva mıtropolıtke koronavı­rýstyq ınfeksııanyń taralýyna baılanysty qabyldanǵan qaýipsizdik sharalary úshin alǵys aıtty.

«Biz sizdiń elde alǵashqylardyń biri bolyp qaýipsizdik sharalardy qabyldaǵanyńyzdy, dinı rásimderdi ujymdasyp atqarýdy toqtatyp, din ókilderine qaýipsizdik sharalarynyń koronavırýstyń taralýynyń aldyn alý maqsatynda májbúrli túrde qolǵa alynǵandyǵyn túsindirgenińizdi bilemiz» dedi.

О́z kezeginde mıtropolıt Aleksandr Qazaqstandaǵy Pravoslavıe shirkeýiniń qyzmeti týraly habardar etip, shirkeý júzege asyratyn túrli áleýmettik, qaıyrymdylyq, rýhanı, bilim berý jáne jastar jobalary týraly baıandady.

Kezdesý sońynda A.Balaeva mıtropolıt Aleksandrǵa memleketpen syndarly ózara is-qımyl jáne seriktestigi úshin alǵys aıtty.

Aıda Balaeva «Qazaqstannyń azamat­tyq alıansy» ZTB prezıdenti Asylbek Qojah­metovpen kezdesti. Kezdesý barysynda Qazaqstannyń azamattyq alıansyn strategııalyq damytýdyń basym baǵyt­tary, memlekettik organdardyń ÚEU-men ózara árekettestigi men yntymaq­tas­tyǵyn keńeıtý, azamattyq qoǵamdy damytý perspektıvalary, Qazaqstannyń IX Azamattyq forýmyn uıymdastyrý jáne basqa da ózekti máseleler talqylandy.

«О́ziniń saılaýaldy baǵdar­la­ma­synda Prezıdent Q.Toqaev qoǵamdyq dıalogty ny­ǵaıtý men «Halyq únine qulaq asatyn memleket» tujyrymdamasyn iske asy­rýdyń mańyzdylyǵyn atap ótti. Mun­daı jaǵdaıda biz Azamattyq alıans­tyń jáne osy qurylymnyń qura­myna kiretin uıymdardyń belsendi qol­daýyna senemiz», dep atap ótti mınıstr.

Kezdesý qorytyndysy boıynsha, memlekettik organdar men azamattyq qoǵam arasyndaǵy dıalog pen júıeli baı­lanysty damytý boıynsha ózara is-qımyldyń negizgi baǵyttary aıqyn­daldy.

 

Sońǵy jańalyqtar

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar