Qoǵam • 19 Mamyr, 2020

Top-menedjerler jalaqysyn qysqartty

14 retkórsetildi

Buǵan deıin daǵdarystyń aldyn alý úshin «QazMunaıGaz» ulttyq kompanııasy qyzmetkerleriniń sanyn qysqartatynyn aıtqan bolatyn. Endi oǵan qosa syıaqy men bonýsty toqtatyp, qyzmettik kólikten bas tartpaq. Bul týraly kompanııanyń Adamı resýrstardy basqarý jónindegi basqarýshy dırektory Dáýletjan Hasanov habarlady.

Koronavırýstyq indetke baılanysty munaı ónimderine suranystyń tómendeýi kompa­nııanyń shyǵynyn ulǵaıtty. Osyǵan baılanysty, qarjy­lyq jaǵdaıdy turaqtandyrý jáne naryqtyq konıýnktýra­nyń teris áserin azaıtý úshin «QazMunaıGazda» daǵdarysqa qarsy strategııa jasaqtalýda.

– Bul strategııa kompanııa­ǵa shyǵyndardy azaıtýǵa jáne daǵdarystan keıingi kezeńde mekemeniń tez ári tıimdi damýy­na múmkindik beredi. Osy sha­ralardyń aıasynda Dırektor­lar keńesiniń sheshimi negizinde kom­panııanyń jańa qurylymy bekitildi. Osyǵan sáıkes, ortalyq apparattyń shtattyq sany 34 paıyzǵa, ıaǵnı 729-dan 480-ge deıin qysqardy. Sonymen qatar ortalyq apparattaǵy departamentter sany 3 esege azaıyp, basqarýshy dırektorlar laýazymy joıyldy. «QazMunaıGaz» ulttyq kompanııasynyń ortalyq apparaty naryqta bolyp jat­qan ózgeristerge tez jáne tıimdi jaýap bere alatyndaı jınaqy bolyp qaıta qurylady, – dedi D.Hasanov.

Onyń aıtýynsha, kompanııa­nyń birinshi toqsandaǵy tabysy byltyrǵymen salystyrǵanda 3 esege qysqarǵan. Tipti, álemdik naryqta munaı baǵasynyń kúrt quldyraýy saldarynan keıbir enshiles kásiporyndar qarjy tapshylyǵyna tap bolǵan.

Baspasóz máslıhaty barysynda 12 mamyrda bas­qar­ma sheshimimen ortalyq appa­rat­tyń jańa jalaqy tóleý jú­ıesi bekitilgeni aıtyldy. Ol júıe boıynsha «QazMunaıGaz» bas­shy­lyq quramynyń jalaqysy 30 paıyzǵa azaıady, al basshylyq qyzmetter sanynyń qysqarýyna baılanysty tómengi laýazymǵa taǵaıyndalatyn orta býyn­daǵy menedjerlerdiń jalaqylary 20 paıyzǵa deıin tómendeıdi. Basqa qatardaǵy qyzmetkerler­diń jal­­aqysy burynǵy deńgeıde saq­­talady. Sondaı-aq kom­pa­nııanyń qarjylyq jaǵdaıyna baılanysty jyl sońyna deıin eshqandaı syıaqy nemese bonýs­tar tólenbeıdi.

– Munaı naryǵyndaǵy qalyp­tasqan jaǵdaı qanshalyqty qıyn bolsa da, biz árbir qyzmet­kerdiń, olardyń otbasylary­nyń aldyndaǵy áleýmettik jaýap­kershiligimizdi tolyq sezinemiz. Sondyqtan  «Samuryq Qazyna» qorynyń tapsyrmasy boıynsha áleýmettik-jaýapkershilikti bosatý baǵdarlamasyn ázirledik. Osy baǵdarlamaǵa sáıkes bosa­tylǵan qyzmetkerlerge barynsha qoldaý kórsetemiz, – dedi spıker.

Aıta keteıik, kompensasııalyq tólem jıyntyǵy 3 aılyq jalaqy mólsherindegi birjolǵy tólem­di, tabysynan aıyrylǵandarǵa ótemaqy retinde 6 aı boıy qar­jylyq qoldaýdy jáne keler jyldyń aqpan aıyna deıin kompanııa esebinen medısınalyq saqtandyrý qyzmetterin paıdalaný quqyǵyn qamtıdy.

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar