Elordalyq jolaýshylar qaýymdastyǵynyń atqarýshy dırektory Sáken Hanhojınniń aıtýynsha, taksı júrgizýshileri betperde men qolǵap kıip, kólik salony ár jolaýshydan keı̆in antıseptıkpen óńdeledi. Kólikter arnaı̆y bazada kúnine eki ret kólik jýatyn tehnıkamen tazartylady.
«Bizde barlyǵy 14 avtopark bar. Bul avtoparkter sanıtarlyq tazartý júrgiziletin úsh pýnktke bólingen. Kún saı̆yn kólikter eki ret tazalaýdan ótedi. Birinshi kezeń 06:00-den 09:00-ge deı̆in, al ekinshi kezeń 14:00-den 17:00-ge deı̆in jalǵasady», – dep túsindirdi S.Hanhojın.
Sondaı-aq ol tólem kóp jaǵdaı̆da bank aýdarymy arqyly júzege asatynyn tilge tıek etti. Júrgizýshiler kún saı̆yn aýysym aldynda tekseristen ótedi. Tekseris barysynda taksı júrgizýshisiniń temperatýrasyna erekshe nazar aýdarylady. Avtoparkterdegi júrgizýshilerge barlyq qorǵanys quraldary (maskalar, antıseptıkter, qolǵaptar) beriledi.
«Biz qorǵanys quraldaryn kóterme baǵada satyp alýdy uı̆ymdastyrýǵa tyrysamyz, sodan keı̆in olardy parkterge taratamyz. Sońǵy ret atalǵan quraldardy mamyr aı̆ynyń basynda satyp aldyq, qazir barlyq júrgizýshiler qajetti qorǵanys quraldarymen qamtamasyz etilgen», – dep túı̆indedi S.Hanhojın.
