Rýhanııat • 19 Mamyr, 2020

«Otan úshin ot keshken batyrlardyń biz urpaǵymyz!» marafony óz máresine jetti

68 retkórsetildi

«Nazarbaev Zııatkerlik mektepteri» derbes bilim berý uıymynda Uly Jeńistiń 75 jyldyǵyna arnalǵan «Otan úshin ot keshken batyrdyń biz urpaǵymyz!» mereıtoılyq marafony aıaqtaldy.

Patrıottyq jobanyń basty maqsaty – Uly Otan soǵysy tarıhyndaǵy naqty bir otbasynyń tarıhyn eske alý. Zııatkerlik mektepterdiń oqýshy, muǵalim jáne ata-anasy óz otbasylarynyń tarıhyn maıdannan kelgen hattar men sýretter, sonymen qatar soǵys jáne tyl ardagerleriniń estelikteri arqyly usyndy, dep habarlaıdy baspasóz qyzmetinen.

Marafon boıy áleýmettik jelilerdegi NIS-tiń resmı akkaýnttaryndaǵy jarııalanymdar Uly Jeńiske arnalady. Onlaın formatta shańyraqtarda maıdan jáne tyl ardagerlerimen kezdesý, «Uly Jeńiske taǵzym» erlik sabaqtary ótip,  «Meniń otbasymnyń ardager batyry» zertteý jobalarynyń qorytyndysy jarııalandy. Qashyqtan formatyndaǵy «Ol kúnderdiń dańqy óshpeıdi» án chellendji, «Men batyrdyń urpaǵymyn» art chellendji, «Uly Jeńisti jyrlaımyz» kórkemsóz oqýlary kóptiń qyzyǵýshylyǵyn týdyrdy. Ár mektepte oqýshylar otbasy muraǵatynda saqtalǵan maıdan hattary men sýretterin kórsetken «Soǵys týraly monolog», «Maıdannan hat», «Otty jyldar jańǵyryǵy – otbasymda» derekti fılmderi daıyndaldy. Dala poshtasynan joldanǵan árbir sarǵaıǵan úshbý hatta beıbit ómir týraly armandar men josparlar, úı ishi jáne jan dostarmen habar almasý, týǵan jerine degen saǵynysh jatyr.

Nur-Sultan qalasy fızıka-matematıka baǵytyndaǵy Nazarbaev Zııatkerlik mektebiniń oqýshysy Damır Bekenovtiń atasy Qadan Bekenov Berlındi alýǵa qatysqan. Qaraǵandy qalasyndaǵy NZM-nen Mıras Daýytqazynyń atasy, áskerı dáriger Shárip Seksenov maıdan dalasynda 15 500-den astam ota jasapty. О́skemendik zııatker Aldııar Aýbakırovtyń atasy Mahmet Qaıyrbaevqa Keńes Odaǵynyń Batyry ataǵy berildi. Taraz qalasyndaǵy Nazarbaev Zııatkerlik mektep muǵalimi Elmıra Akımovanyń ákesi, ustaz Tursyn Akımov sum soǵys bastalysymen óz erkimen maıdanǵa attanǵan. Almatylyq hımııa-bıologııa baǵytyndaǵy mektepten Bogdan Mıronovtyń atasy Grıgorıı Mıronov Ladoga kóliniń áıgili «О́mir jolymen» Lenıngrad blokadasyna azyq-túlik jetkizgeni belgili. Tegin búginde Qostanaıdaǵy Zııatkerlik mektep oqýshylary Dıar men Sanjar Kýstavletovter alǵan Abdrahman Kýstavletov óziniń uly Ahmetbekti atqyshtar mektebinde kezdestirgen. Elordadaǵy fızıka-matematıka baǵytyndaǵy Zııatkerlik mektepten Batyrhan Sarsenovtyń atasy Shamsýtdın Sarsenov keńes barlaýshylary quramynda Tegeran konferensııasynda «Úlken Úshtik» kóshbasshylarynyń qaýipsizdigin qamtamasyz etti. «Bilimge umtylyńyzdar!» – shymkenttik fızıka-matematıka baǵytyndaǵy mektep oqýshysy Abylaı Keńestiń atasy Anas Alımov nemerelerine osyndaı ósıet qaldyrdy. Jeńis marafony kezinde otbasy muraǵatyndaǵy áserli, jan teberinterlik júzdegen biregeı oqıǵa baıandaldy.

999

Soǵys jyldarynda Oral qalasynyń úsh aerodromynan áıgili ushqyshtar Hıýaz Dospanova men Leonıd Beda áýege kóterilgen, búginde onyń biriniń ornynda Nazarbaev Zııatkerlik mektebi ornalasqan. Densaýlyǵyna baılanysty maıdan qataryna alynbaǵan Ádilbek  Demesinov bar múlkine áskerı ushaq satyp alyp, tylda naǵyz erligimen tanylǵan. Ivan Sýsanın atyndaǵy kostromalyq murajaıda 53-shi Sýsanın retinde Baıshyǵan Bekturlıev aty tur, onyń erliginiń arqasynda Qazaqstannyń batysynda Gýrev munaı óńdeý zaýytyna bara jatqan jaý desanty joıylǵan, aty ańyzǵa aınalǵan aqsaqal – oraldyq Zııatkerlik mektep oqýshylary Álı men Mereı Esengeldınderdiń atasy. 9 mamyr kúni pavlodarlyq zııatker Arýjan Halyqovanyń ájesi, tyl ardageri Kúljaýpar Qojanovaǵa Reseı Federasııasynyń Prezıdenti Vladımır Pýtın atynan «Uly Otan soǵysyndaǵy Jeńiske 75 jyl» mereıtoılyq medali tabystaldy. Qaraǵandy qalasyndaǵy Nazarbaev Zııatkerlik mektebiniń «Meıirimdilik kópiri» volonterlik klýby júrgizgen áleýmettik-zertteý qorytyndysy boıynsha «Sled voıny v ıstorıı moeı sýdby» atty jınaq shyqty. Oraldaǵy Nazarbaev Zııatkerlik mektebinde ótken «Kesteli oramal» aksııasy kezinde oqýshylar men muǵalimder soǵys pen tylda ter tókken ardager týystarynyń atyn kestelep jazdy. Jeńiske 75 jyl tolǵanda Aqtaý qalasyndaǵy Nazarbaev Zııatkerlik mektebiniń muǵalimi Svetlana Ozgan áriptesteriniń kómegimen atasy Ozgan Kosanovtyń jerlengen jerin tapty, otbasy bul izdeýdi 1943 jyly bastaǵan eken.   

Júzdegen áńgimeler men fılmder, maıdan hattary men sýretter – barlyǵy da Uly soǵystyń jáne onyń maıdany men tylynda erlik kórsetken eń jaqyn adamdardyń shynaıy ári egjeı-tegjeıli kelbeti, al ondaǵy keıipkerlerdiń aty marafonǵa qatysýshylardyń maqtan tutar tegine aınalǵan. Estelikter lentasynda oqýshylar Jeńis kúnin nelikten kózdi jasqa toltyra toılaıtyn mereke ekenin túsingenderin, maıdan hattary men sýretter, jerleý týraly habarlamalar, orden kitapshalary, áskerı marapattar, ardagerlerdiń qol saǵattary – árbir qazaqstandyq otbasy úshin qundy jádigerler ekenine kóz jetkizgenderin moıyndady.  

9

«Otan úshin ot keshken batyrdyń biz urpaǵymyz!» marafony Nazarbaev Zııatkerlik mektepteriniń barlyq oqýshylary úshin erlik pen  patrıotızmnen syr shertken shynaıy sabaqqa aınaldy. Qazirgi tańda NIS jelisinde elektrondy «Estelikter muraǵatyn» jasaý qolǵa alynǵan. Aıtýly marafondy dástúrli túrde jyl saıyn mamyrdyń birinshi onkúndiginde ótkizý josparlanyp otyr.

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar