57 jastaǵy Nıý-Iork qalasynyń týmasy álemdik sport tarıhynda óshpes iz qaldyrǵanyna eshkimniń kúmáni bolmasa kerek. 1984 jyly «Chıkago Býllzdyń» jeıdesin kıgen jas Maıkl qysqa ǵana merzim aralyǵynda ortań qol ujymdy Ulttyq basketbol qaýymdastyǵynnyń (UBQ) eń dańqty komandalarynyń biri ári biregeıine aınaldyrdy. Rasynda da, sporttyń bul túrinde onyń baǵyndyrmaǵan belesi joq. Dál osy oıynshyǵa kóptegen keremet kórsetkishter tıesili. 2004 jyly «Úshqysh Djordan» óz karerasyn aıaqtaǵanymen, onyń rekordttarynyń kóbiniń áli de murty buzylmaı tur. Maıkldyń barlyq tabysyn bir ǵana maqalaǵa syıdyrý múmkin emes. Al qysqa qaıyratyn bolsaq, Djordan – álemdik basketbol tarıhyndaǵy eń úzdik oıynshy retinde túbegeıli moıyndalǵan tulǵa.
Dańqty basketbolshy, tasy órge domalaǵan bıznesmen, márt mesenat týraly túsirilgen osy 10 serııaly fılm qazirgi kezde AQSh kınoteatrlarynda kórsetilýde. Alǵashqy serııasynyń ózin 12 mıllıonnan asa adam tamashalaǵan eken. Eger dál osylaı jalaǵasatyn bolsa, onda «Sońǵy bı» derekti fılmder arasynda rekordtyq kórsetkishke qol jetkizetini anyq.
