Aımaqtar • 19 Mamyr, 2020

Aqmolada orman órtiniń aldyn-alý jumystary júrgizilýde

5 retkórsetildi

Birjan sal aýdany Birsýat aýylynda órt sóndirý beketi ashyldy. Kóktem jáne jaz  mezgilinde orman órtiniń aldyn-alý men qaýipsizdik erejelerin saqtaýǵa erekshe mán berý qajet.

Bul aımaqta ashylǵan 29-shy órt sóndirý beketi. «Baımyrza-agro» seriktestiginde ornalasqan. Endigi kezekte Zaýral aýyldyq okrýgi, Birsýat, Mamaı aýyldary men orman alqaptaryndaǵy órt qaýipsizdigin saqtaýǵa jumyldyrylmaq.

–Aýdannyń aýmaǵy 1 mıllıon gektardan astam. Onyń 600 myńǵa jýyǵy jaıylym jer. Bul 4-shi órt sóndirý beketi. «Baımyrza agro» seriktestigimen birlesip ashyp otyrmyz, deıdi Birjan sal aýdanynyń ákimi Ermek Nuǵymanov.

О́rt sóndirý beketinde arnaıy garaj jabdyqtalǵan. Telefon baılanysy jáne órt sóndirý kóligimen qamtylǵan. Qutqarýshylar órt sóndirýmen qatar ózge de tótenshe jaǵdaıdyń saldaryn joıýǵa jumyldyratyn bolady.      

Ásirese kóktem men jaz aılarynda tyıym salynǵan aýmaqta ot jaǵý, qoqys pen qurǵaq shópterdi órteý deregi jıi oryn alatyn kórinedi. Tabıǵı órtti dereý anyqtaýǵa arnalǵan 52 mobıldi top qurylǵan. Onyń quramynda tótenshe jaǵdaılar jáne polısııa qyzmetkerleri men ormandy qorǵaý basqarmasynyń mamandary bar. Kúni búginge deıin 152 reıd sharasy  júrgizilgen.

–О́rt qaýpi joǵary maýsym 6 sáýirde bastalǵan.  Oblys aýmaǵynda 3 orman órtiniń jáne   qurǵaq shóptiń tutanýynyń 17 deregi  tirkeldi. 11 oqıǵa boıynsha kináliler anyqtaldy. Olardyń barlyǵy ákimshilik jaýapkershilikke tartyldy, deıdi oblystyq tótenshe jaǵdaılar jónindegi departamenti bastyǵynyń orynbasary Manarbek Shapaǵatov.  

Degenmen, tótenshe jaǵdaılar jónindegi departamenti órt qaýipsizdigi talaptaryn oryndamaǵan úshin ákimshilik jaýapkershilikke tartý qarastyrylǵandyǵyn eskertedi.  

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Uqsas jańalyqtar