Álem • 19 Mamyr, 2020

Búgin - Túrkııada Atatúrikti eske alý, jastar jáne sport kúni

35 retkórsetildi

Búgin túrkııalyqtar táýelsizdik úshin kúresken ulttyq-revolıýsııalyq qozǵalys lıderi Mustafa Kemal Atatúrikti eske alýda.

1919 jyldyń 19 mamyrynda táýelsizdik úshin kúresken ulttyq-revolıýsııalyq qozǵalys lıderi Mustafa Kemal Atatúrik 9-shy armııanyń ınspektory retinde Samsýnǵa kelip, sheteldik ıntervensııaǵa qarsy mobılızasııa jarııalady. Bul kún Túrkııanyń azattyǵy úshin soǵystyń resmı bastalǵan kúni bolyp sanalady. Bul ýaqytta Túrkııa men Grekııa soǵysyp jatqan bolatyn. Keıinnen Atatúrik sóılegen sózderiniń birinde 19 mamyrdy óziniń týǵan kúni dep jarııalady (onyń naqty týǵan kúni belgisiz).

Táýelsizdik úshin ulttyq qozǵalystyń negizin jastar quraǵandyqtan, 1938 jyldyń 20 maýsymy kúni 19 mamyrdy Jastar jáne sport kúni retinde belgileý týraly zań shyqty. Bul kún alǵash ret 1935 jyly 24 mamyrda «Atatúrik kúni» retinde atap ótilgen bolatyn. Sol kúni sport kúni de ótti. Keıinnen sport kongresinde osy eki merekeni biriktirý týraly usynys jasalyp, bul zańmen bekitildi. 1980 jyldyń 12 qyrkúıeginen bul kúnniń resmı ataýy «Atatúrikti eske alý, jastar jáne sport kúni» dep atalyp keledi.

Eske sala keteıik, ótken jyly Túrkııadaǵy Mustafa Kemal Atatúrik bastaǵan ult-azattyq kúrestiń bastalýyna 100 jyl tolǵan edi. Al bıyl baýyrlas Túrkııa jurty Mustafa Kemal Atatúriktiń bastamasymen qurylǵan el parlamentiniń júz jyldyq mereıtoıyn toılaıdy.

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar