Aımaqtar • 19 Mamyr, 2020

Teńiz kenishinde ınfeksııalyq stasıonar jumysyn bastady (vıdeo)

200 retkórsetildi

Teńiz kenishinde 230 oryndyq ınfeksııalyq stasıonar jumysyn bastady. Buǵan ken orny jumysshylary arasynda qaýipti indetke shaldyǵý dereginiń kúrt kóbeıýi áser etip otyr.

Tótenshe jaǵdaı rejımin qamtamasyz etý jónindegi óńirlik jedel shtabtyń málimetine súıener bolsaq, qazir bul stasıonarda   211 naýqas em qabyldaýda. Olardyń arasyndaǵy  55 adamda qaýipti indettiń jeńil túri kórinis beripti. Al 156 naýqasta bul indet sımptomsyz ótýde.

– Infeksııalyq stasıonarda jumys isteýge №2 oblystyq aýrýhananyń 25 qyzmetkeri jumyldyryldy. Olar –3 dáriger, 16 orta jáne 6 kishi medısına qyzmetkeri. Buǵan qosa taǵy qosymsha 1 terapevt,  1 ınfeksıonıst pen 8 kishi medısınalyq qyzmetker qajet, - dep aqparat taratty óńirlik jedel shtab. –Sonymen birge, stasıonarda jumys isteýge TShO klınıkasynyń 32 dárigeri men  30 orta medısınalyq qyzmetkeri tartyldy.

– Qazirgi ýaqytta stasıonarlarda naýqastarmen baılanysta bolǵan  2000-nan astam adam  karantınde jatyr.  Epıdemıologtar naýqastardy oqshaýlaý jumystaryn júrgizýde.  Karantındik sharalar ýaqytynda engizilmeı, blokposttar durys ornatylmaǵan kezde, epıdemıologııalyq jaǵdaı baqylaýdan shyǵyp, ınfeksııa oblys ortalyǵyna taralýy múmkin edi, -  dep habarlady jedel shtabtan.

«PTShO»  vahtalyq kentiniń aýmaǵynda analızderdi jınap,  óńdeýmen Ulttyq saraptama ortalyǵynyń Atyraý oblysy boıynsha fılıaly, «Olımp»  jáne oblystyq  obaǵa qarsy kúres stansııasynyń mobıldi zerthanasy aınalysyp jatyr.  Endi ken ornynda  respýblıkalyq Ulttyq saraptama ortalyǵynyń zerthanasynyń mamandary da iske kirisedi.

 

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Uqsas jańalyqtar