Aımaqtar • 19 Mamyr, 2020

Qostanaıda aýyl balalaryna arnalǵan demalys lageri ashylady

16 retkórsetildi

Qostanaı oblysynda bıyl Tuńǵysh Prezıdent Qorynyń «El úmiti»  bastamasyn júzege asyrý maqsatynda aýylda ósip jatqan daryndy balalarǵa arnalǵan «Daryn» jazǵy demalys orny ashylmaq. Bul týraly Qostanaı oblysynyń ákimi Arhımed Muhambetovtiń tóraǵalyǵymen ótken selektorlyq keńeste aıtyldy.

Sońǵy eki jyl ishinde aımaq mektepterinde jergilikti mesenattardyń qoldaýymen jalpy somasy 325,4 mln teńgege 30 robototehnıka kabıneti jáne 65 IT-synyby ashylǵan. Endigi maqsat  - osy synyptardyń tolyqqandy jumys isteýin qamtamasyz ete otyryp, balanyń damýy men bilim sapasyna tıgizetin tıimdiligin arttyrý.

Bilim salasynyń basshylary bul úshin jazǵy demalys kezinde biryńǵaı tanymdyq-saýyqtyrý baǵdarlamasy boıynsha  jumys isteıtin  «Daryn» lagerinde aýylda oqıtyn joǵary qabiletke ıe balalardyń basyn qosýdy kózdep otyr. Tájirıbeli IT-mamandar jumys isteıtin lagerde balalar belsendi demalys sharalarymen qatar, ǵylymı tehnologııaǵa qatysty qyzyqty sabaqtar men oıyn-jattyǵýlarǵa qatysady.

- «Daryn» lagerinen tys, jazǵy demalys ýaqytynda balalardyń robototehnıka men IT salasyndaǵy bilimin qashyqtan damytý josparlanyp otyr. Oqýshylar beınerolıkter, býktreılerler, vaınalar, vırtýaldy ekspedısııa, ekskýrsııa, saıahat jasap, ınteraktıvti mektepterdegi master-klastar men qoıylymdarǵa, jazǵy onlaın-lagerlerge qatysatyn bolady, - dedi bilim basqarmasynyń basshysy Vasılıı Symbalıýk.

 

 

Qostanaı oblysy

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar