Aımaqtar • 19 Mamyr, 2020

Almaty: Mektep bitirý sharalaryn uıymdastyrýda nege tyıym salyndy?

79 retkórsetildi

Búgin Almaty qalasy óńirlik kommýnıkasııalar qyzmetiniń alańynda mektepterdegi oqý jylynyń aıaqtalýy men attestattardy tapsyrý rásimine qatysty onlaın brıfıng ótti.

Brıfıngte Almaty qalasy bilim Basqarma basshysy Lázzat Jylqybaeva túlekterdiń sanıtarlyq talaptar men qaýipsizdikti saqtaýda lıneıkalardyń mektep aýmaǵynda ashyq aspan astynda ótýi, oǵan qatysatyn túlekterdiń mektep formasyn kııýi jáne basqa da máseleler erekshe baqylaýǵa alynatyndyǵyn atap ótti.

Mektep bitirý sharalaryn uıymdastyrýdaǵy mańyzdy atap ótetin jaıt, mynalarǵa ruqsat etilmeıdi:

– Anımatorlardy, merekelik agenttikterdi, jekemenshik stýdııalardy shaqyrýǵa;

– Mektep bitirý sharasyn saltanatty etip ótkizýge;

– Merekelik stoldardy uıymdastyrýǵa;

– Avtokólikterdi jalǵa alyp, qalada ekskýrsııa júrgizýge.

Qalalyq qalasy bilim Basqarmasyynń basshysy qandaı da bir mektep sharalaryn ótkizýge aqshalaı qarjy jınaýǵa jol berilmeıtindigin eskerte kele: «Sonymen birge, 2019 jyldyń qyrkúıeginen bastap qaladaǵy 200-den astam memlekettik mektep jan basyna qarjylandyrýǵa kóshti, sonyń aıasynda kóptegen mindetter sheshimin taýyp, ásirese mektepterdiń materıaldyq-tehnıkalyq bazasy nyǵaıtyldy.

Osyǵan baılanysty mektep qajetine arnap, máselen, jóndeý jumystary úshin aqshalaı qarjy jınaýǵa jol berilmeıdi», dedi.

Barlyq másele boıynsha qalalyq bilim Basqarma tarapynan ata-analar men muǵalimder arasynda únemi túsindirý jumystary júrgizilýde.

 

 

ALMATY

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar