Bilim • 19 Mamyr, 2020

EUÝ salalyq jýrnalıstıka mamandaryn daıarlaıdy

80 retkórsetildi

L.N.Gýmılev atyndaǵy Eýrazııa ulttyq ýnıversıteti jýrnalıst mamandaryn daıarlaýda jumys berýshiler suranysyn eskere otyryp, jańashyl baǵyttaǵy tilshilerdi oqytyp keledi. Bıyl oqý orny aqparattyq júıeler, dızaın, jýrnalıstıka sala mamandary birlesken «Sıfrlyq medıamenedjment» oqý baǵdarlamasy boıynsha alǵashqy túlekterine dıplom beredi. 

Qazirgi aqparattyq qaýipsizdik máselesiniń qoǵam úshin mańyzyn eskersek, atalmysh bilim berý baǵdarlamasynyń bitirýshileri medıa salasynda sıfrlyq tehnologııanyń myqty mamandary retinde suranysqa ıe. Tipti búgingi kúni bitirýshilerdiń kópshiligi arnaıy shaqyrtýmen turaqty jumysqa ornalasqan.

2020-2021 oqý jylynda jýrnalıstıka jáne saıasattaný fakýltetinde eki birdeı ınnovasııalyq bilim berý baǵdarlamasy júzege asyrylady eken. Atap aıtar bolsaq, magıstratýra boıynsha halyqaralyq jýrnalıstıka, bakalavrıatta sport jýrnalıstıkasy bilim berý baǵdarlamalary bekitildi. Bilim berý baǵdarlamalary halyqaralyq qatynas, dene tárbıesi men baspasóz jáne baspa isi, teleradıo jáne qoǵammen baılanys kafedralarynyń usynysy negizinde daıyndaldy.

Jýrnalıstıka jáne saıasattaný fakýltetiniń dekany professor Qaırat О́mirbaıuly Saq ınnovasııalyq bilim berý baǵdarlamalarynyń ashylýy Qazaqstan medıakeńistiginiń kásibı deńgeıin kóteretinin atap ótti. Salalyq jýrnalıstıkany damytýda kásibı mamandardyń  biliktiligi asa qajet. Osy máseleni eskere otyryp, halyqaralyq jýrnalıstıkany oqytýda geosaıasat, álemdik medıakarta, aqparat berýdiń halyqaralyq tájirıbeleri men dıplomatııalyq qarym-qatynas salalary boıynsha arnaıy kýrstar júrgiziledi, - dedi fakýltet dekany óz sózinde. Aıta ketý kerek, bilim berý baǵdarlamalary suranys týyndaǵan jaǵdaıda úsh tilde oqytylady.

Sport jýrnalıstıkasy bilim berý baǵdarlamasy sport teorııasy men praktıkasyn qarastyryp qana qoımaı, túrli sport jarystary men olımpıada oıyndarynan reportaj daıyndaý, ulttyq sport túrlerin nasıhattaý jáne tanymal sport tilshileriniń shyǵarmashylyq sheberhanasy jaıly tolyqqandy bazalyq bilim beredi.

Halyqaralyq jýrnalıstıka bilim berý baǵdarlamasy boıynsha bilim alýshylar halyqaralyq sholýshy, sheteldik aqparat agenttikteriniń tilshisi, elshiliktiń baspasóz qyzmetiniń mamany, halyqaralyq aqparat agenttikteriniń tilshileri, halyqaralyq basylym redaktory biliktiligin alady.

Bir sózben aıtqanda, L.N.Gýmılev atyndaǵy Eýrazııa ulttyq ýnıversıteti aldaǵy ýaqytta álemdik aqparat naryǵyna zamanaýı talaptarǵa saı maman daıarlap, ulttyq jýrnalıstıkanyń aıasyn keńeıtpek. 

 

Sońǵy jańalyqtar

Qostanaı oblysynda joldar jóndeledi

Aımaqtar • Búgin, 18:07

Elbasy Baýyrjan Baıbekti qabyldady

Elbasy • Búgin, 17:57

Qazalyda 42 joba júzege asady

Aımaqtar • Búgin, 17:47

300 baspaǵa sýbsıdııa beriledi

Aımaqtar • Búgin, 17:37

«Baıqońyr» ǵarysh keshenine - 65 jyl

Aımaqtar • Búgin, 17:30

Qazaqstandyq ásker qatary tolyqty

Aımaqtar • Búgin, 16:57

Búgin «Tarzannyń» týǵan kúni

Sport • Búgin, 16:29

Aptap ystyqta qalaı qorǵanamyz?

Aımaqtar • Búgin, 14:57

Balalar arasynda baıqaý uıymdastyryldy

Aımaqtar • Búgin, 13:27

Úsh oblysta egis jumystary aıaqtaldy

Aımaqtar • Búgin, 13:00

«Baqytty balalyq» onlaın konserti ótti

Aımaqtar • Búgin, 12:20

Qaraǵandy oblysynda 24 adam KVI juqtyrdy

Aımaqtar • Búgin, 12:13

Qazaqstanda jol sapasy qashan jaqsarady?

Qazaqstan • Búgin, 12:00

Uqsas jańalyqtar